बुटवल,मंसिर २७ ।

नेपाली कांग्रेसका नेता तथा सभापतिका उम्मेदवार डा. शेखर कोइरालाले नेतृत्व परिवर्तन भएरै छाड्ने बताउनुभएको छ ।  आइतवार काठमाण्डौमा आयोजित पत्रकार सम्मेलनमा सभापतिका उम्मेदवारसमेत रहनुभएका कोइरालाले पार्टीमा नेतृत्व परिवर्तन भएरै छाड्ने बताउनुभएको हो । उहाँले आफ्नो नेतृत्वमा पार्टी बनेसँगै गठबन्धनको सरकार झनै सशक्त भएर चुनावसम्म पुग्ने पनि दाबी गर्नुभयो ।

नेता कोईरालाले भन्नुभयो, ‘सभापतिजीले आफू पराजित भएँ भने यो गठबन्धन सरकार जान्छ भन्नुभयो, म तपाईँहरूको सामुन्ने प्रण गर्न चाहन्छु– नेतृत्व परिवर्तन हुन्छ, हुन्छ, हुन्छ । यो नेतृत्व परिवर्तनपछि अझ बढी सुदृढ, सङ्गठित भइकन यो गठबन्धनलाई चुनावमा लैजान्छौँ भन्ने कुरा तपाईँहरूको माझमा राख्दछौँ । यो सरकारलाई अझ बलियो बनाउने प्रयास हाम्रो नेतृत्वले गर्नेछ ।’

ता कोइरालाले आफ्नो नेतृत्वको पार्टी बनेमा अनुभवी नेताहरूको कुरालाई गम्भीर अध्ययन गरेर नेपाली कांग्रेसलाई सुदृढ बनाउने पनि बताउनुभयो । उहाँले महाधिवेशनपछि केन्द्रीय, प्रदेश र पालिका तहको चुनावमा नेपाली कांग्रेसलाई भागबन्डारहितको पार्टी , गुटबन्दीरहितको पार्टी, विरोधरहितको पार्टी बनाएर एकढिक्का हुँदै सबैलाई समेट्ने बताउनुभयो । उहाँले तीन तहको चुनावमा पार्टीलाई जिताउने प्रतिबद्धतासमेत व्यक्त गर्नुभयो ।

नेता कोइरालाले आफू सभापतिमा विजयी भए संविधानलाई सुदृढ बनाएर लैजाने समेत प्रतिबद्धता व्यक्त गर्नुभयो । नयाँ कार्यक्रम, नयाँ विचार र नयाँ कार्यशैलीबाट अगाडि बढ्ने भन्दै नेता कोइरालाले भातृ संस्थाहरूलाई सुदृढ गरेर अघि बढ्ने पनि बताउनुभयो । 

नागरिक अनलाइन

लेखकबाट थप

• सोमवार, मंसिर २७ २०७८०७:४२:४५

• Tags:

  # नेपाली कांग्रेस # १४ औं महाधिवेशन # डा.शेखर कोइराला

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा