बुटवल,भदौ २६ ।

नेपाली कांग्रेस लुम्बिनी प्रदेश कार्यसमितिले आसन्न महाधिवेशनलाई लक्षित गर्दै बुटवलमा सम्पर्क कार्यालय सञ्चालनमा ल्याएको छ । बुटवल–कालिकानगरमा स्थापना गरिएको सम्पर्क कार्यालयको आज एक कार्यक्रमबीच शुभारम्भ गरिएको हो ।

कार्यालय उद्घाटन कार्यक्रममा नेपाली कांग्रेस लुम्बिनी प्रदेश सभापति अमरसिंह पुनले अधिवेशनसँगै महाधिवेशनको प्रक्रिया अघि बढ्ने उनले बताए । पुनले पार्टीभित्र देखिएका समस्या संवाद र सहमतिबाट समाधान गर्नुपर्नेमा जोड दिए ।

आन्तरिक मतभेद भए पनि त्यसलाई संवादमार्फत टुङ्ग्याउँदै आगामी महाधिवेशनलाई एकताको अधिवेशनका रूपमा अघि बढाउनुपर्ने उनको भनाइ थियो ।

उनले पार्टीको आगामी नेतृत्वका लागि सभापति  गगनकुमार थापालाई सर्वसम्मत रूपमा सभापति बनाउन सके राम्रो हुने र प्रतिस्पर्धाको अवस्था आए निर्वाचनमार्फत नेतृत्वमा ल्याउने वातावरण बनाउनुपर्ने धारणा राखे ।

कार्यक्रममा कांग्रेसका केन्द्रीय सदस्य भरत शाहले पार्टीलाई केन्द्रमा मात्र नभई जिल्ला, क्षेत्र र स्थानीय तहसम्म थप चलायमान बनाउनुपर्ने बताए । कार्यक्रममा केन्द्रीय सदस्यहरू राधेश्याम पाठक, राजेन्द्रगोपाल श्रेष्ठ, रामबहादुर कार्की, लुम्बिनी प्रदेशसभा सदस्य निमा गिरी तथा नेपाली कांग्रेस रुपन्देहीका सभापति रामकृष्ण खाँण लगायतले धारणा राखेका थिए ।

नागरिक अनलाइन

लेखकबाट थप

• शुक्रवार, भाद्र २६ २०८३११:१४:२२

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...