बुटवल,साउन ३१ । 

नेपाली कांग्रेसको १४ औं महाधिवेशन आगामी मंसिर ९ गते हुने भएको छ । कांग्रेसको केन्द्रीय समिति बैठकले महाधिवेशनको नयाँ कार्यतालिका टुंगो लगाएको हो । 

वडा अधिवेशन भने भदौ १८ गते गर्ने केन्द्रीय समितिले निर्णय गरेको छ । यस्तै भदौ २७ मा गाउँ, नगरपालिका अधिवेशन हुनेछ । प्रदेश सभा क्षेत्रका क्षेत्रीय अधिवेशन असोज १ गते, संघीय निर्वाचन क्षेत्रीय अधिवेशन असोज ५ गते र जिल्ला अधिवेशनहरू असोज १० गते हुने भएका छन् ।

प्रदेश अधिवेशन कात्तिक १० र १२ गते गर्ने र केन्द्रीय महाधिवेशन मंसिर ९ देखि १३ गते आयोजना हुने भएको छ ।सभापति शेरबहादुर देउवा निवासमा साउन २८ गतेबाट शुरू भएको केन्द्रीय समिति बैठकले महाधिवेशनको नयाँ कार्यतालिका तय गरेको हो । 

यसअघि भदौ १६ गते १४ औं महाधिवेशन उद्घाटन गर्ने कार्यतालिका थियो । तर, क्रियाशील सदस्यता विवादलगायत समस्याका कारण निर्धारित समयमा महाधिवेशन गर्न नसक्ने अवस्थामा कांग्रेस पुगेको थियो ।

नागरिक अनलाइन

लेखकबाट थप

• आइतवार, श्रावण ३१ २०७८०९:१७:०६

• Tags:

  # नेपाली कांग्रेस # १४ औं महाधिवेशन

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग