बुटवल,भदौ २५ ।

रुपन्देहीमा देखिएका छाडा चौपाया ब्यवस्थापनबारे बुद्ध सामुदायिक टेलिभिजनले सरोकारवाला निकायका बिचमा छलफल चलाएको छ । बुटवल उपमहानगरपालिकामा छाडा चौपायाको संख्या बुद्धि हुँदै जाँदा दुर्घटना बढ्दै गएको र गाईगोरुले समेत दुख पाएको भन्दै टेलिभिजनले सरोकारवाला निकायका बिचमा छलफल संचालन गरेको हो ।

शान्तिका लागि संचार अभियानद्धारा संचालित बुद्ध सामुदायिक टेलिभिजनको १५ औं वार्षिकउत्सवको अवसरमा सोमबार बुटवलको शिवनगर सामुदायिक बनमा रहेको नन्दनी गौशालामा सरोकारवाला निकायका बिचमा छलफल संचालन गरेको हो । बुटवल उपमहानगरपालिकाका प्रमुख खेलराज पाण्डेयले छाडा चौपायाको ब्यवस्थापनको लागि नयाँ कार्यविधि अनुसार गौशाला संचालनको तयारी गरिएको जानकारी दिनुभयो ।

उहाँले एकैपटक ४–५ सय चौपायाको ब्यवस्थापन हुने गरी गौशाला संचालनको लागि नगरले तयारी गरेको र धार्मिक संस्थालाई ब्यवस्थापनको जिम्मा दिने गरी तयारी गरिएको बताउनुभयो । गौशाला संचालनको लागि पछिल्लो समय बन कार्यालयले कानूनी अड्चन देखाएर अवरोध सृजना गर्ने कोशिष गरेको गुनाशो पाख्दै प्रमुख पाण्डेयले छाडा चौपायाको ब्यवस्थापनको लागि आफु जुनसुकै लडाई लड्नको लागि तयार बताउनुभयो ।

बुटवलको नयाँगाउँमा रहेको मूक्तिनाथ धामका प्रमुख संरक्षक स्वामी लोकानन्द सरस्वती महाराजले गाईगोरुको ब्यवस्थापनको लागि केन्द्रीय सरकारसँग नै पहल गर्नुपर्ने बताउनु भयो । एउटा ब्यक्तिले मात्र गाईगोरुको ब्यवस्थापन गर्न नसक्ने बताउँदै यसको लागि यहाँका सरोकारवाला निकायले प्रधानमन्त्री समक्ष नै ध्यानआकृषण गराउनु पर्नेमा जोड दिनुभयो । सरकारले नै गौ संरक्षण निकुञ्ज संचालन गर्न सके देशभरका गाईगोरुको ब्यवस्थापनसँगै संरक्षण हुने उहाँको सुझाब छ ।

रुपन्देहीका सहायक प्रमुख जिल्ला अधिकारी रामचन्द्र अर्यालले सीमानाकाबाट नेपाल प्रवेश गर्ने गाईगोरुको नियन्त्रणको लागि जिल्ला प्रशासन कार्यालय सधै लागि रहेका बताउनुभयो । गाईगोरुको संरक्षण आवश्यकता रहेको बताउँदै उहाँले बैज्ञानीक तरिकाले छाडा चौपायाको दिगो ब्यवस्थापन गरिनुपर्ने बताउनुभयो ।

यस्तै बुटवल उपमहानगरपालिकाका प्रमुख प्रशासकिय अधिकृत टेकराज पन्थीले नेपालको संविधानमै गाईलाई राष्ट्रिय जनावर उल्लेख गरेकाले तिनै तहका सरकार मिलेर गौं संरक्षण गरिनु पर्ने बताउनुभयो । सीमानाकाबाट आउने छाडा चौपायालाई राकिनु पर्ने र छाडाचौपाया नियन्त्रणको लागि सबैको साथ आवश्यकता रहेको बताउनुभयो ।

गाई हिन्दुहरुको आस्थाको जनावर मात्र नभएर राष्ट्रिय जनावर भएकाले सबै धर्मालम्बी र जातजाती संरक्षणको लागि एकजुट हुनुपर्ने उहाँको भनाइ छ । लुम्बिनी प्रदेश ट्राफिक प्रहरी कार्यालयका प्रमुख कृष्ण प्रसाईले विगत ३ वर्षमा लुम्बिनी प्रदेशमा छाडा चौपायाका कारण ६० वटा दुर्घटना भएको जानकारी दिँदै सडक दुर्घटनाको २० प्रतिशत कारण छाडा चौपाया हुने गरेको बताउनु भयो ।

ईलाका प्रहरी कार्यालय बुटवलका डिएसपी दान बहादुर थापाले गाईगोरुको ब्यवस्थापन र संरक्षणको लागि प्रहरीले सधै सहयोग गर्ने बताउनु भयो ।

बुद्ध सामुदायिक टेलिभिजनका अध्यक्ष ओम ज्ञवालीको अध्यक्षतामा आयोजना गरिएको कार्यक्रममा बुटवल वडा नं ८ का वडा अध्यक्ष यंगप्रसाद पंगेनी , ओम परिवाकार उपाध्यक्ष पुरुषोत्तम पाण्डेय ,विश्व ज्योतिष महासंघ लुम्बिनी प्रदेशका अध्यक्ष जनार्दन न्यौपाने ,बन कार्यालयका वन अधिकृत सूर्य मैनाली , विश्व हिन्दु महासंघका नगर अध्यक्ष चन्द्रमान श्रेष्ठ, पश्चिम नेपाल बस ब्यवसायी प्रालीका संचालक सदस्य नारायण घिमिरे लगायतले बोल्दै सबैको अपनत्व ग्रहण गरेर समस्या समाधान गर्न सकिने बताए ।

टेलिभिजनका कार्यकारी प्रमुख विक्रम खड्काले वार्षिकोत्सवको अवसरमा टेलिभिजनले साप्तहाब्यापी कार्यक्रम अन्तरगत गौशालामा आएर छाडा चौपाया ब्यवस्थापनको लागि सरोकारवाला निकायका बिचमा छलफल गरेको बताउनु भयो । सोही अवसरमा गौशालामा रहेका गाईगोरुलाई गुड खुवाउने कार्यक्रम समेत गरिएको उहाँले जानकारी दिनुभयो । 

वार्षिकोत्सवकै अवसरमा टेलिभिजनले मंगलबार बुटवलमा शुसासनकालागि स्थानीय तह र मिडियाको भूमिका विषयक गोष्ठी संचालन गर्न लागेको समाचार प्रमुख कपिल ज्ञवालीले जानकारी दिनुभयो ।  भदाै २७ गते बुधबार मूल समारोहको आयोजना र तिज विशेष कार्यक्रमको आयोजना गर्दै वार्षिकोत्सवको समापन हुने टेलिभिजनका कार्यक्रम प्रमुख खेमराज रेग्मीले जानकारी दिनुभयो ।

नागरिक अनलाइन

लेखकबाट थप

• सोमवार, भाद्र २५ २०८००७:०५:४२

• Tags:

  # छाडा चौपाया ब्यवस्थापन # बुद्ध सामुदायिक टेलिभिजन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा