बुटवल,बैशाख १० ।

बुटवलबाट बाग्लुङका लागि हिँडेको यात्रुवाहक बस दुर्घटनामा मृत्यु हुने र घाइतेको पहिचान खुलेको छ । आइतबार बिहान पाल्पाको जोरधारामा सडकबाट बस तल खस्दा १ जनाको मृत्यु भएको थियो । ३८ जना यात्रु घाइते छन् । 

मृत्यु हुनेमा रुपन्देहीको देवदह नगरपालिका–३ सूर्यपुराकी अन्दाजी ४० वर्षीया राधिका पौडेल रहेको प्रहरीले जनाएको छ । घाइतेमध्ये ५ जनाको अवस्था गम्भीर छ । 

घाइतेहरुको पाल्पास्थित लुम्बिनी मेडिकल कलेज प्रभासमा उपचार भइरहेको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिए । आइतबार बिहान बुटवलबाट बागलुङको बुर्तिबाङतर्फ जाँदै गरेको लु १ ख ५९५६ नम्बरको बस सिद्धार्थ राजमार्ग अन्तर्गत पाल्पाको तिनाउ गाउँपालिका–५ जोरधारामा दुर्घटना भएको थियो ।

दुर्घटनाग्रस्त बस सडकबाट करिब १सय मिटर तल खसेर भीरमा अड्किएको अवस्थामा छ ।दुर्घटनापछि जिल्ला प्रहरी कार्यालय पाल्पा, ट्राफिक प्रहरी र दोभान प्रहरी चौकीबाट खटिएका प्रहरी र स्थानीयबासीले घाइतेहरूको उद्दार गरेका थिए । घटनाबारे थप अनुसन्धान भइरहेको प्रहरीले जनाएको छ ।

• पाल्पाको जोरधारामा यात्रुबाहक बस दुर्घटना

• पाल्पा जोरधारा बस दुर्घटना : एक जनाको मृत्यु,१८ जना घाइते

• पाल्पा जोरधारा बस दुर्घटना : मृतक र घाइते सबैको पहिचान खुल्यो (सूचीसहित)

नागरिक अनलाइन

लेखकबाट थप

• आइतवार, बैशाख १० २०८००३:३८:३४

• Tags:

  # बस दुर्घटना # पाल्पा जोरधारा बस दुर्घटना

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन