बुटवल,मंसिर २९-

सुदुरपश्चिम प्रदेशको कैलालीमा विरोध सभालाई नेपाली कांग्रेसका नेता गगन थापाले सम्बोधन गरेका छन्। थापाले राष्ट्रपति विद्यादेवी भण्डारीलाई आफूसँग चुनाव लड्न चुनौती दिएका छन् । 
धनगढीमा आयोजित सरकारविरोधी प्रदर्शनलाई सम्बोधन गर्दै उनले राष्ट्रपतिको राजनीतिक सक्रियताको आलोचना गरे ।नेकपा विवादमा सक्रिय भएर पछिल्लो समय राष्ट्रपति भण्डारी श्री ५ बडामहारानी बन्न खोजेको नेता थापाको आरोप छ ।
‘यदि तपाईँ श्री ५ बडामहारानी बन्न चाहनुभएको हो भने भन्न चाहन्छु, राष्ट्रपति महोदय, आँखा नचम्काइबक्स्योस्, हात नलम्क्याइबक्स्योस्’, उनले भने, ‘हिम्मत छ भने काठमाडौंमा चुनाव लड्न आइबस्योस् ।’

आफ्नो पार्टी कांग्रेसले राजालाई पनि फालेकाले राष्ट्रपति पनि फाल्नु कुनै ठूलो विषय नभएको उनको दाबी छ ।‘राजालाई त फाल्यो राष्ट्रपतिलाई पनि फाल्न सक्छौँ, उनले भने ।

सांसद थापाले ओली सरकारका पालामा भ्रष्टाचार बढेको बताए। भ्रष्टाचारी खोज्न बालुवाटार र सिंहदरबारमा गए पुग्ने उनले बताए। ‘भ्रष्टाचारी खोज्न कहीँ जानु पर्दैन, बालुवाटार गए पुग्छ। सिंहदरबार गए पुग्छ,’ उनले भने। उनले प्रधानमन्त्री ओली असफल भइसकेको दाबी गरेका छन्।

सरकारले कोरोना नियन्त्रण तथा रोकथाममा काम गर्न नसकेको भन्दै उनले आलोचना गरेका छन्। विरोध सभालाई सम्बोधन गर्दै नेता थापाले ७ वटा प्रदेशमध्ये ६ वटामा प्रदेश सरकार, ४ सयभन्दा बढी स्थानीय सरकार भएपनि सर्वसत्तावादी सरकारले जनताको पक्षमा सिन्को पनि नभाँचेको बताए। उनले भने, ‘सरकार शक्तिशाली छ, तर जनतालाई शक्तिशाली बनाउनका लागि एउटा पनि काम गर्न सकेको छैन्, यस्तो नालायक सरकार मुर्दाबाद।’ नेता थापाले सरकारले कहिले पूरा नहुने कुरामा देश र जनतालाई झुक्याउने गरेको बताए।

नेता थापाले भने,‘कहिले पूरा नहुने कुरामा देश र जनतालाई झुक्याउँछ। यस्तो हावादारी सरकार मुर्दाबाद।’ थापाले ओली सरकार इतिहासकै भ्रष्ट भएको बताए । ‘बालुवाटारको चार आना जग्गा छोराको नाममा राख्ने अर्थमन्त्री, उसलाई सिफारिस गर्ने मान्छे हिजो जेल गयो । सिफारिस गर्ने मान्छे जेल जाँदा तर खाने मान्छे चाहिँ अर्थमन्त्रीको कुर्सीमा बिराजमान हुनुहुन्छ’ उनले भने ।

विरोध प्रदर्शनका क्रममा संघीय लोकतान्त्रिक गणतन्त्र नेपाल जिन्दावाद जिन्दावाद, नेपाली कांग्रेस –जिन्दावाद जिन्दावाद, सर्वसत्तावादी ओली सरकार –मुर्दावाद लगायतका नारा कांग्रेसले लगाएको छ।

यसैगरि दुर्व्यवहार–अपमान र अत्याचार, बढ्यो महिला हिंसा र बलात्कार –अकर्मण्य भो ओली सरकार लगायतका नाराहरु समेत लागेका छन्।  

• यी खबरहरु पनि पढाै :-

  • • नेपाली कांग्रेसको देशव्यापी प्रदर्शन जारी : मास्क छ,सामाजिक दूरी छैन ! ‍(फाेटाेफिचर)
    • देउवाको अपील : देशव्यापी प्रदर्शनमा मास्क लगाउनुस् र भौतिक दूरी कायम गर्नुस्
    • ‘यो अधिनायकवाद हो,पञ्चायत र ओली शासन उस्तै हो’: रामचन्द्र पौडेल
    • कैलालीबाट राष्ट्रपतिलाई गगनकाे चुनाैती हिम्मत भए काठमाडौंमा चुनाव लड्न आईबक्सियाेस्
    • सुरेन्द्र पाण्डेको आरोप : ओली आफै भ्रष्टाचारका नाइके भएकाले भ्रष्टाचारीहरुलाई संरक्षण गरे
    • सरकारलाइ दीपक गिरीको प्रश्न : ८ महिनादेखि सदन किन बन्द छ ?
    • सरकारविरुद्ध कांग्रेसले आज देशभर प्रदर्शन गर्दै,भैरहवामा ५० हजार मान्छे उतार्ने कांग्रेसको दाबी
    • सरकारविरुद्ध नेविसंघको बुटवलमा सिठ्ठी जुलुस,भण्डाफाेरका लागि सडकमा उत्रिन आग्रह

नागरिक अनलाइन

लेखकबाट थप

• सोमवार, मंसिर २९ २०७७०२:५३:०३

• Tags:

  # गगन थापा # नेपाली कांग्रेस

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन