बुटवल,मंसिर १९ । 

लुम्बिनी प्रदेश सरकारले रोजगार गुमाएका र नया उद्यमीबन्न चाहनेहरुलाई लक्षित गर्दै व्याज अनुदानमा ऋण प्रबाह गर्ने भएको छ ।  नयाँ उद्यम गर्न चाहनेहरुका लागि उद्योग,पर्यटन, वन तथा वातावरण मन्त्रालय लुम्बिनी प्रदेशले व्याज अनुदानमा ऋण प्रवाह गर्ने भएको छ ।

चालू आर्थिक वर्षको वार्षिक कार्यक्रमअनुसार मन्त्रालयले नेपाल बैंक लिमिटेड प्रादेशिक कार्यालयसंग सम्झौता गरी अनुदानग्राहीलाई व्याज अनुदानमा ऋण प्रवाह गर्न लागेको हो ।

उक्त ऋण प्रवाहको सम्झौता पत्रमा शुक्रबार एक कार्यक्रमका बीच मन्त्रालयका महाशाखा प्रमुख रमेश नेपाल र नेपाल बैंक लिमिटेड प्रादेशिक कार्यालय प्रमुख पासाङ दोर्जी शेर्पाबीच हस्ताक्षर भएको छ ।

यो कार्यक्रम लागू भएपछि व्यापारिक घाटा घटाउनका साथै युवालाई विदेश पलायन हुनबाट रोक्न सकिने उद्योग,पर्यटन, वन तथा वातावरण मन्त्री लिला गिरीले बताए ।

यस सम्झौताबाट वैदेशिक रोजगारबाट फर्किएका, दलित महिला, द्वन्द्वपिडित, अपाङ्गता भएका व्यक्ति, सिमान्तकृत तथा अल्पसंख्यकहरुले व्याज अनुदानमा ऋण लिन सक्ने र ३ बर्ष ब्याज नलाग्ने नेपाल बैंक लिमिटेड लुम्बिनी प्रादेशिक कार्यालय प्रमुख पासाङ दोर्जी शेर्पाले बताए ।

बैंकले यसअघि रुपन्देहीको तिलोत्तमा,पाल्पाको तानसेन,लगायतका लुम्बिनी प्रदेशका १२ स्थानयतहसंग समेत यसप्रकारको व्याज अनुदानमा ऋण प्रवाह गरिरहेको बैंकको प्रादेशिक कार्यालयका प्रबन्धक सुपज ज्ञवालीले बताए ।

सम्झौता अनुसार स्वदेशी कच्चा पदार्थको प्रयोग गर्ने अत्यावश्यक वस्तु तथा नितान्त वस्तु उत्पादन गर्ने उद्यामीलाई प्राथमिकतामा दिई प्रति उद्यमी न्यूनतम  ३ लाखदेखि अधिकत्तम १० लाखसम्म ऋण लिन सकिनेछ ।

३ वर्षसम्म लाग्ने व्याज उद्यमीको मन्त्रालय तिर्नेछ । त्यसका लागि मन्त्रालयले १० करोडको उद्यम विकास कोष बनाएको छ । १२ वटै जिल्लामा उद्यम गर्न चाहनेहरु यस कार्यक्रममा सहभागी हुन पाउनेछन् ।

ऋण प्रवाहपछि  चालू आर्थिक वर्षमा १५ सय नयाँ उद्योग स्थापना हुनुका साथै ६ हजार जना प्रत्यक्ष रुपमा रोजगारमा संलग्न हुने आँकलन गरिएको मन्त्रालयका सचिव डा. राजेन्द्र केसीले बताए ।

याे पनि पढाैँ:-

 नेपाल बैंकको सहकार्यमा तिलोत्तमानगरका ८७ जनालाइ विनाधितो सहुलियतपूर्ण कर्जा

नागरिक अनलाइन

लेखकबाट थप

• शुक्रवार, मंसिर १९ २०७७०७:१६:०३

• Tags:

  # ऋण # व्याज अनुदानमा ऋण # नेपाल बैँक

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा