बुटवल,मंसिर १६।

छिमेकी मुलुक भारतमा पनि कोभिड-१९ को नयाँ भेरियन्ट ओमिक्रोनका दुई जना संक्रमित फेला परेका छन् । भारतको केन्द्रीय स्वास्थ्य मन्त्रालयका सहसचिव लभ अग्रवालले कर्नाटकमा दुई जना ओमिक्रोनका संक्रमित फेला परेको बताएका हुन् ।

६६ वर्ष र ४० वर्षका दुई जना पुरुषमा कोरोना संक्रमण पुष्टि भएको हो । ‘हालसम्म देशमा यो भेरियन्टबाट दुई जना संक्रमित भएको पुष्टि भएको छ’, अग्रवालले भने, ‘दुवै संक्रमित कर्नाटकका हुन् ।’

योसँगै ओमिक्रोन भेरियन्ट २६ मुलुकमा फैलिएको छ । सहसचिव अगरवालले बुधबार राति ती दुई पुरुषमा ओमिक्रोन पुष्टि भएको जानकारी दिए । दुबै संक्रमित केही दिनअघि दक्षिण अफ्रिकाबाट आएको र उनीहरूमा सामान्य लक्षण देखिएको उनको भनाइ थियो ।

दुबैजना संक्रमितको सम्पर्कमा आएका पहिचान गरी परीक्षण गरिने पनि अगरवालले बताए । संक्रमित फेला परेपछि डराइहाल्नुपर्ने अवस्था नभएको तर सचेत हुनुपर्ने पनि उनले बताए ।

‘संक्रमण पुष्टि भएमा व्यक्तिमा सामान्य लक्षण मात्रै छन् । यहाँ र अन्य मुलुकमा फेला परेका ओमिक्रोनका कुनै पनि संक्रमितमा गम्भीर लक्षण देखिएका छैनन्’, अगरवालले भने, ‘विश्व स्वास्थ्य संगठनले ओमिक्रोन संक्रमणबारे प्रमाण जुटाइरहेको छ ।’

नागरिक अनलाइन

लेखकबाट थप

• बिहिवार, मंसिर १६ २०७८०७:४३:१६

• Tags:

  # ओमिक्रोन # कोभिड-१९ को नयाँ भेरियन्ट ओमिक्रोन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा