बुटवल,साउन ६- 

दाह्री ग्याङ रूपन्देहीले रोल्पाका १२ वर्षिय बालकको उपचारमा सहयोग गरेको छ । रोल्पा जिल्ला धातावाङ बसोबास गर्ने १२ वर्षिय सन्तोष बुढा बाख्रा चराउने क्रममा भीरबाट लडेर गम्भीर घाइते भएका थिए ।

आर्थिक अवस्था कमजोर भएका बालकको उपचारमा सहयोग गरिदिन परिवारले दाह्री ग्याङ रूपन्देहीका संयोजकलाई  आग्रह गरेको दाह्री ग्याङ रूपन्देहीले जनाएको छ ।

बालकको उपचारमा सहयोग जुटाउन सो ग्याङले पन्ध्र दिने अभियान चलाएको र सो अभियानलाई अन्य सहयोगी दाताले सहयोग गरेको अधियानका संयोजक रोशन गर्गले जानकारी दिएका छन् ।

टाउको , हात र च्यापुमा गम्भीर समस्या भएका सन्तोषको उपचारमा करिब दुई लाख रकम संकलन गरी अस्पतालमा बुझाएको रूपन्देही सह संयोजक सागर बस्यालले बताएका छन् । बालकको गम्भीर सल्यक्रियाको लागि अस्पतालबाट केही रकम समेत छुट भएको दाह्री ग्याङ सक्रिय सदस्य लेलिन भुर्तेलले जानकारी दिए  ।

गत आषाढ सोह्र गतेबाट सुरू गरिएको अभियान गत आषाढ ३१ गते उपचार सफल भई ग्याङका केही प्रतिनिधि आफै सन्तोषलाई घरसम्म पुर्‍याएको सह संयोजक बस्यालले बताए । 

अभियान सुरू गर्दा निकै जटिल भएको तर पछि सबैको साथ र सहयोगले अभियान सफल हुँदा निकै खुसी लागेको रूपन्देही संयोजक विरेन्द्र जिसीले जानकारी दिनुभयो । अभियानमा दारी समर्थक युवा नेपालको पनि सहयोग रहेको साथै सहयोग गरेकोमा फोर के गेमिङ नेपाल , मगर संघ कोरिया , तिनाउ हस्पिटल प्रालि प्रशाशन , कर्मचारी , हस्पिटलका न्युरो सर्जन  डाक्टर पवन कुमार श्रेष्ठ , अर्थोपेडिक सर्जन डाक्टर योगेन्द्र अग्रहरी सबैलाई दाह्री ग्याङले धन्यवाद व्यक्त गरेको छ ।

सामाजिक सञ्जालबाट संगठित  सो ग्याङले यस अघि पनि विभिन्न सामाजिक कामहरू गर्दै आएको छ ।

नागरिक अनलाइन

लेखकबाट थप

• बुधवार, श्रावण ६ २०७८१०:०९:१६

• Tags:

  # सहयोग # दाह्री ग्याङ रूपन्देही

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा