बुटवल,असाेज ५-

चारदिनदेखि बुटवलबाट बेपत्ता सिनियर अहेब विष्णुप्रसाद नेपाल मृत अवस्थामा फेला परेका छन्। तिलोत्तमा नगरपालिका वडा नं १५ बिहुलीमा नहरमा मृत अवस्थामा फेला परेको इलाका प्रहरी कार्यालय बुटवलले जनाएकाे छ।

स्थानीयले मृत पुरुषको शव फेला पारेपछि प्रहरी बोलाइएको र उक्त शव विष्णु नेपालकै भएको सनाखत भइसकेको प्रहरीले जनाएकाे छ। शुद्धोधन गाउँपालिका वडा नम्बर ४ का ४४ वर्षीय नेपाल मोतिपुर प्राथमिक स्वास्थ्य केन्द्रमा सिनियर अहेबको रुपमा कार्यरत थिए।उनले सोही ठाउँमा भावना मेडिकल हल समेत सञ्चालन गर्दै आएका थिए।

उनी बिहीबार राति सवा १२ बजे बुटवल उपमहानगरपालिका–९ स्थित होटल पार्क प्लाजाबाट लु २० प ४०६७ नं. को मोटरसाइकलमा निस्केको यता उनी बेपत्ता थिए।

खोजतलासका क्रममा नेपालको मोटरसाइकल बुटवल उपमहानगरपालिका–६ स्थित नहरको छेउमा फेला परेको थियो। नहरमा पानीको बहाब उच्च रहेकाले उनी सोही नहरमा खसेको हुनसक्ने आशंकामा प्रहरीले नहरको पानी बन्द गरेर तिनदिन देखि खोजी गरेको भएपनि फेला परेका थिएनन्।

उनका एक श्रीमती र एक छोरा छन् । उनका दाजु छवि नेपालको आइतबार काठमाण्डौमा निधन भएको थियो।

याे पनि पढाैँ :-

• रूपन्देहीका शिक्षाबिद् छवि नेपालकाे काठमाडाैंमा उपचारकाे क्रममा मृत्यु

नागरिक अनलाइन

लेखकबाट थप

• सोमवार, आश्विन ५ २०७७०१:२१:१४

• Tags:

  # मृत्यु # स्वास्थ्यकर्मी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन