बुटवल,असार ११ -

गुल्मी स्थायी घर रुपन्देहीमा बस्दै आएका गुल्मेली महिलाहरुको समुह उद्यमशील गुल्मेली चेली समुहले आर्थिक स्थित कमजोर भएकी एक गभर्वती महिलालाई सहयोग गरेको छ ।

बुटवल उपमहानगरपालिका वडा नं. ११ प्रगतिनगरकी सन्ध्या चौधरीलाई समुहले नगद १२ हजार सहयोग गरेको हो । समुहका सदस्यहरु ईश्वरी देवकोटा, विश्व देवकोटा, लक्ष्मी भटट्राई र सिर्जना अर्यालको टोलीले प्रगतिनगर महिला समुहकी कोषाध्यक्ष पार्वती परियारको रोहबरमा चौधरीलाई सहयोग गरेको हो ।

७ महिनाकी गभर्वती समेत रहेकी चौधरी आर्थिक स्थित कमजोर भएपछि उपचारका लागि अस्पताल समेत जान सकेकी थिईन । नियमित गर्भजाँचका साथै दैनिकी गुजारा चलाउन सहज होस भन्ने उद्देश्यले गुल्मेली चेलीहरुको समुहले चौधरीलाई सहयोग गरेको समुहकी सदस्य इश्वरी देवकोटाले बताईन ।

चौधरीका श्रीमानको बैशाख २७ गते कोभिडका कारण मृत्यु भएपछि परिबार आर्थिक समस्याको चपेटामा परेको छ । दैनिक मजदुरी गरेर दैनिकी चलाउँदै आएका सन्ध्याका श्रीमान राजु चौधरीको मृत्यु भएपछि अहिले यो परिबारमा आर्थिक अवस्था कमजोर हुँदा दैनिक छाक टार्न समेत अप्ठयारो भएको छ ।

नागरिक अनलाइन

लेखकबाट थप

• शुक्रवार, आषाढ ११ २०७८०९:३९:२४

• Tags:

  # सहयोग

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा