-उमा अर्याल (ढकाल) 

पीडाले मुटु जल्दा पनि  चिता जलेन  यहाँ
कुर्सीको खेल नेताजी को अझै रोकिएन त्यहाँ ।
आक्रान्त छन् घरघरमा आफन्ती गुमाउँदा
मिर्मिरेको उज्यालोमा उषाको किरण हराउँदा ।।

कोहीको खोस्यो बाबुआमा कोहीको खोस्यो काख 
कति भए टुहुरा त कतिको उजाडियो साथ ।
ओल्लो घरमा रूवाबासी चल्दा खेरि आज
चियाउने अवस्था छ पल्लो घरको झ्यालबाट ।।

कोरोनाले तिमीलाई छुन्न प्रेमिल मिलन गीत गाऊ
मनभित्र धोकेवाजको गन्ध राखी सुहागरात मनाऊ।
दु:ख पीडा बेदनामा मानिस छन् चित्कार गर्दै 
कोरोनाले नयाँ रूप फेरे झै नेताहरू कुर्सी फेर्दै ।।

बर्तमानको रङ्गमन्चमा नाटक प्रदर्शन गरी 
बिर्सिदै छौ जनताको विश्वास सबै अन्धो बनी ।
पक्ष र बिपक्षको बहानामा कर्तब्यबाट बिमुख रही 
फूटको गुटबन्दीमा रमाउने गर्दै खुसीयाली ।।

देश आज शोकमा डुब्दा त्यता चोट लागेन  की 
यता आशु भेल बन्दा त्यता मूल फूटेननी ।
आक्रान्त बन्दैछ कोरोनाले देश आज भन्दा भोलि 
बदलिन्छ कहिले खोई तिम्रो भेष सत्ता रूपी।।
बुटवल-११, रुपन्देही

नागरिक अनलाइन

लेखकबाट थप

• शनिवार, जेठ ८ २०७८०८:००:१५

• Tags:

  # कविता

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन