काठमाडौँ,मंसिर २४ ।

सहकारी ठगीको आरोपमा पक्राउ परेका पूर्वगृहमन्त्री एवं राष्ट्रिय स्वतन्त्र पार्टी (रास्वपा) का सभापति रवि लामिछानेलाई वीरगन्ज लगिएको छ।

जिल्ला अदालत कास्कीमा म्याद थप भएपछि लामिछानेलाई सोमबार वीरगन्ज लगिएको हो। पर्साको सानोपाइला सहकारीको रकम अपचलन गरेको आरोपमा उनलाई बयानका लागि वीरगन्ज लगिएको हो। प्रहरीले लामिछाने, पूर्वडिआईजी छविलाल जोशी बन्जारेसहित १४ जनालाई पक्राउ गर्न पर्सा जिल्ला अदालतबाट अनुमति लिइसकेको छ।

लामिछानेलाई वीरगन्ज लगिने भएपछि जिल्ला प्रहरी कार्यालय पर्सा आसपास क्षेत्रमा सुरक्षा व्यवस्था कडा पारिएको छ। रास्वपाका कार्यकर्ताहरू उनलाई रिहा गर्न माग गर्दै प्रदर्शनसमेत गरेका थिए।

सहकारी ठगी प्रकरणमा संलग्न भएको आरोप लागेका लामिछानेलाई सोमबार राति जिल्ला प्रहरी कार्यालयमा राखिने बताइएको छ। उनलाई सिमरा विमानस्थलबाट प्रहरीको गाडीमा वीरगन्ज लगिएको छ।

रास्वपा सभापति लामिछानेलाई गत कात्तिक २ गते काठमाडौँबाट पक्राउ गरी पोखरा लगिएको छ। त्यसपछि उनलाई बयानका लागि रुपन्देही र चितवन लगिएको थियो। चितवनमा बयान सकिएपछि लामिछानेलाई पुनः पोखरा लगिएको थियो। पोखराबाट उनलाई वीरगन्ज लगिएको हो।

वीरगन्ज महानगर–६ आदर्शनगरमा सञ्चालित सानो पाइला बचत तथा ऋण सहकारी संस्थाबाट अवैध तरिकाबाट गोर्खा मिडिया नेटवर्क प्रालिमा ८ करोड ५८ लाख ४४ हजार रूपैयाँ प्रवाह भएको अनुसन्धानबाट खुलेको थियो।

नागरिक अनलाइन

लेखकबाट थप

• सोमवार, मंसिर २४ २०८१०६:११:१०

• Tags:

  # रवि लामिछाने # सहकारी ठगी प्रकरण :

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा