बुटवल,बैसाख ३० ।

गएरातिको भारी वर्षाका कारण बुटवलका विभिन्न क्षेत्र डुबानमा परेका छन् । बुटवलको अमर पथ, हाटबजार लाइनसहितका क्षेत्र डुबानमा परेका छन् ।

अमरपथको मुख्य बजार क्षेत्रका सयभन्दा धेरै पसलमा पानी पसेर क्षति पुगेको छ । बुटवलका अधिकांश नालीहरू फोहोरले पुरिएकोले ठुलो पानी पर्दा डुबानमा परेको इलाका प्रहरी कार्यालय बुटवलले जनाएको  छ। 

अहिले पानी पर्न बन्द भएपनि पनि हिलो र लेदो सडकमा थुप्रिएको छ । बुटवलस्थित राससको प्रदेश कार्यालय, रुपन्देही उद्योग सङ्घको कार्यालय र पश्चिम नेपाल बस समितिको कार्यालय डुबानमा परेका छन् ।

अविरल वर्षाले डुवान भएपछि न्यू होराइजन बोर्डिङ स्कुलले आज बिदा दिएको छ । सोह्र छत्तिस कुलोको छेउमा रहेको सो स्कुलमा रहेका तल्लो तलाका सबै कक्षाकोठाहरू समेत डुबेको प्रहरीले जनाएको  छ।

इलाका प्रहरी कार्यालय बुटवलका प्रहरी नायब उपरीक्षक विजयराज पण्डितले नाली थुनिएरै अधिकांश क्षेत्र डुवानमा परेकोले सचेत रहनुपर्ने बताउनुभयो । क्षतीको विवरण संकलन भइरहेको उनले बताउनुभयो ।

नागरिक अनलाइन

लेखकबाट थप

• आइतवार, बैशाख ३० २०८११२:४६:२३

• Tags:

  # भारी वर्षा # रूपन्देही # अविरल वर्षा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा