बुटवल,असाेज ३ ।

प्रकृतीको बिनास नभइ संरक्षण गर्ने नीति निर्माण गर्न सरोकारवालाले अपील गरेका छन् । अप्राकृतिक दोहनका कारण हुने वातावरण असन्तुलन र पर्यावरण प्रतिकुल हुनेगरि कुनैपनि कार्य नगर्न सरकारलाई उनीहरुको आग्रह छ ।

मानव अधिकार तथा शान्ति समाज रुपन्देहीको २४ औँ साधारणसभामा बोल्ने बक्ताहरुले चुरे संरक्षण र संबिधानको रक्षा र त्यसले दिएका ब्यबस्थाहरुको संरक्षण र कार्यान्वयन गर्नुपर्ने उनीहरुको भनाइ छ ।

मानव अधिकार तथा शान्ति समाज रुपन्देही शाखाका सभापति खिमप्रसाद भट्टराइ कृष्णको अध्यक्षतामा भएको कार्यक्रममा बोल्दै लुम्बिनी प्रदेश सभा सदस्य जमुना ढकालले संघीयताको बारेमा गलत भ्रम फैलाइएको भन्दै सकारात्मक सन्देश प्रबाह गर्नुपर्ने बताइन् ।

उनले प्रदेश खारेजी नभइ थप बलियो बनाएर जनतासंग पहुच बढाउनुपर्ने बताइन् । शान्ति समाजका हरेक गतिबिधि नजिकबाट हेरिरहेको भन्दै उनले मानव अधिकारका क्षेत्रमा समाज अगुवा रहेको बताइन् ।

मानव अधिकार तथा शान्ति समाजका केन्द्रिय समितिका सभापति रामकृष्ण बरालले नयाँ अभियान थालनी गर्ने तयारीमा रहेको बताए । उनले युवालाइ नेपालमै रोक्ने र राेजगारी सिर्जना गर्ने बातावरण सरकारले बनाउनुपर्ने बताए ।

केन्द्रिय पूर्व सभापति एवं सल्लाहकार उत्तम पुडासैनीले पृथ्वी बँचाउने अभियानमा जुट्न अपील गरे । उनले प्रकृतिको संरक्षणमा सबै हातेमालाे गरेर अघि बढ्नुपर्ने उल्लेख गरे ।

केन्द्रिय समितिका निर्बतमान सभापति एवं सल्लाहकार गोविन्द खनालले वातावरण संरक्षणको सवालमा सरकारी, सामाजिक र गैरसरकारी क्षेत्रको समन्वय र सहकार्य आवश्यक रहेको बताएका छन् ।

मानव अधिकार तथा शान्ति समाज रुपन्देही शाखाका उपसभापति कपिल ज्ञवालीको स्वागत एवं सचिब कृष्ण पाण्डेको संचालनमा भएको कार्यक्रममा समाजका बरिष्ठ उपसभापति कृष्ण रावल केन्द्रिय उपसभापति राजेन्द्र पौडेल ,राससका पूर्व अध्यक्ष डा.बालकृष्ण चापागाइ, प्याब्सन लुम्बिनी अध्यक्ष एवं समाजका पूर्व सभापति लालहरि पाण्डे,लेखक ऋषि आजाद,नेपाल पत्रकार महासंघ लुम्बिनी महासचिब बिक्रम खड्का पत्रकार महासंघ जिल्ला सभापति रामराज पोखरेल,उपभोक्ता हित संरक्षण मञ्च लुम्बिनी अध्यक्ष तेजकुमार पाठक, शान्ति समाज केन्द्रिय सचिब मिना ढकाल, काठमाडौ शाखा सभापति भगवान पुडासैनी, इन्सेक प्रतिनिधि रिमा बिसी लगायतले बोल्दै समाजका सबै प्रकारका संघसंस्थासंग हातेमालो गरेर अभियान चलाउनुपर्ने बताए ।

साधारणसभामा अध्यक्ष भट्टराइ र कोषाध्यक्ष लिलाधर लुइटेलले पेश गरेको प्रतिबेदन पास गरिएको छ ।

नागरिक अनलाइन

लेखकबाट थप

• बुधवार, आश्विन ३ २०८००७:०३:४६

• Tags:

  # मानव अधिकार तथा शान्ति समाज रुपन्देही # चुरे संरक्षण # साधारणसभा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा