बुटवल,असोज २ ।

नेकपा एकिकृत समाजवादीका महासचिव घनश्याम भुसालले अबको राजनीतिक बाटो पहिल्याउन नसक्दा मुलुकबाट युवा जनशक्ति रोजगारीको नाममा विदेशल पलायन भइरहेको बताउनुभएको छ ।

उहाँले संविधान निर्माणपछि बनेको सरकारको नेतृत्वकर्ताले राष्ट्रिय पूँजीको विकास गर्न नसक्दा त्यसबाट समाजमा निराशा र अराजकताले प्रंसय पाएको बताउनु्भयो । उहाँले अब स्वदेशमा रोजगारी सृजना गर्ने गरी राजनीतिक कार्यक्रम आवश्यक रहेको बताउनुभयो ।

नेकपा एकिकृत समाजवादी रुपन्देहीले मंगलबार बुटवलमा कार्यकर्तासँग गरेको अन्तरक्रिया कार्यक्रमलाई सम्बोधन गर्दै आगामि १० बर्षमा मुलुक बनाउने ऐजेन्डा सहित नेकपा एकिकृत समाजवादी छिट्टै देशव्यापी अभियानमा सामेल हुने उल्लेख गर्नुभयो ।
भुसालले  संविधानमा समाजवाद उन्मुख भनेर लेखिएपनि त्यसको स्पष्ट बाटो कुनै पनि दलसँग नभएको बताउँदै अब त्यसको अगुवाई एकिकृत समाजवादीले गर्ने दाबी गर्नुभयो ।

आगामी १० वर्षमा राष्ट्रिय पूँजीको विकास गर्दै देशमा रोजगारीको वातावरण सृजना गर्ने बताउनुभयो । उहाँले नेपालबाट युवाहरु विदेश पलायन हुनेक्रम बढेको बताउँदै त्यो जनशक्तिलाई नेपालमै रोजगारी दिएर राष्ट्रियपूँजीको विकास गर्नुपर्ने धारणा राख्नुभयो ।

‘हरेक वर्ष देश छोड्नेहरुको संख्या बढेको छ, ३ लाखबाट ८ लाख पुगिसक्यो, यो अवस्था निकै भयानक हो’ महासचिव भुसालले भन्नुभयो –‘अब हामीले हाम्रा छोराछोरीलाई विदेश पलायन हुनबाट रोक्ने गरी राजनीतिक रुपमा ऐजेन्डा र कार्यक्रम बनाउँदैछौं ।’उहाँले आगामि माघमा हुने नेकपा एकिकृत समाजवादीको महाधिवेशनसम्म आफुहरुले १० बर्षमा राष्ट्रिय पूँजीको विकास गर्ने स्पष्ट योजना र खाका तयार पारेर राजनीतिक बाटो स्पष्ट पार्ने बताउनुभयो ।

उहाँले प्रतिनिधिसभाको विघटन विरुद्धको लडाईँमा सफलता हासिल गरेको बताउँदै अब नेपाली मोडेलको समाजवादको कार्यक्रम समेत आफुहरुले नै दिने दाबी गर्र्नुभयो । ‘अहिले हाम्रा सामु, अबको बाटो के भन्ने प्रश्न छ’ भुसालले भन्नुभयो –‘यसका लागि एक डेढ महिनामा हामीले स्पष्ट राजनीतिक कार्यदिशा ल्याउछौंँ ।’

नागरिक अनलाइन

लेखकबाट थप

• मंगलवार, आश्विन २ २०८००८:०७:२५

• Tags:

  # घनश्याम भुसाल

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान