बुटवल,भदौ २४। 

पूर्वी नवलपरासी (नवलपुर) गैंडाकोट -१० का एक पुरुष २९ दिनदेखि बेपत्ता भएका छन् । भैँसाखोरी निवासी ४० बर्षिय ईश्वर सापकोटा साउन २७ गते बिहान ४ बजेदेखि सम्पर्क बिहिन भएका हुन् । 

२७ गते घरबाट निस्किएका सापकोटा अहिलेसम्म फेला नपरेको उनका जेठो दाजु शंकरप्रसाद सापकोटाले नागरिक अनलाइनलाइ बताए । भाइको खोजीका लागि उनीहरु देशका बिभिन्न भागमा पुगिसकेका छन् तर भाइको अत्तोपत्तो नलागेपछि उनीहरु चिन्तित भंएका हुन् । 

नागरिक अनलाइनसंग उनले भने ‘ परिवारसहित घरमै बसिरहेको भाइ एक्कासी घरबाट निस्किएपछि अहिलेसम्म सम्पर्कमा आएको छैन, प्रहरी,नातागोता, इष्टमित्र सबैतिर खोज्यौं कांहीपनि फेला नपारेपछि उसैलाई खोज्दै बुटवल  आएका हौँ ।’

बेपत्ता भएका सापकोटाको घरमा  अहिले उनको एक श्रीमती लक्ष्मी सापकोटा,२ बर्षकी छोरी र  १० बर्षको छोरा रहेका छन् ।  उनको खोजी गरिदिन र फेला पारेमा नजिकको प्रहरी चौकीमा खबर गरिदिन इश्वरका माईलो दाइ डिल्लीराम सापकोटाले अपिल गरेका छन् ।

बेपत्ता भएका ईश्वरको दाहिने हात बांगाे, दाहिने कानमा मुन्द्रा, निधार र घाँटीमा खत छ भने मानसिक सन्तुलन ठिक नभएको दाइ डिल्लीरामले जानकारी दिए ।

उनलाइ कसैले फेला पारेमा शंकरप्रसाद सापकोटा जेठाे दाइ -9840365551, इश्वर सापकोटा-9808942052 मा सम्पर्कमा ल्याइ सहयाेग गरेमा उचित पुरस्कार उपलब्ध गराउने परिवारजनको भनाइ छ ।

नागरिक अनलाइन

लेखकबाट थप

• आइतवार, भाद्र २४ २०८००३:३९:५१

• Tags:

  # ईश्वर सापकोटा # बेपत्ता # सम्पर्क बिहिन

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन