बुटवल,मंसिर २६- 

बुटवलमा जारी प्रथम प्रचण्ड थैव स्मृति नकआउट फुटबल प्रतियोगितामा दोस्रो चरणको पहिलो खेलमा झरना स्पोर्टस् विजयी भएको छ ।

झरनाले आयोजक सौभाग्य युवा क्लब ‘बी’लाई २-१ को गोल अन्तरले पछि पार्दै क्वाटर फाइनलमा प्रवेश गरेको हो ।बुटवलको सिद्धेश्वर मैदानमा जारी प्रतियोगिता अन्तरगत शुक्रबार भएको खेलमा झरनाका जर्सी नम्बर ६ का डेभिड गुरुङले खेलको ७ औं मिनेटमा टिमका लागि पहिलो गोल गर्दै अग्रता दिलाएका थिए ।

झरनाकै जर्सी नम्बर १० का मोहन थापाले ३६ औं मिनेटमा गोल गर्दै अग्रतालाई दोब्बर बनाएका थिए । सौभाग्यको तर्फबाट एक मात्र गोल जर्सी नम्बर ५ का अनिस शेरचनले गरेपनि जीतका लागि प्रयाप्त भएन ।

प्रतियोगितामा झरनाका मिड फिल्ल्डर जर्सी नम्बर ८ का अञ्जन थापा म्यान अफ दि म्याच घोषित भएका छन् । शनिबार हुने प्रतियोगितामा ठुटी पिपल युवाक्लब र शिवनगर युवा क्लबका बीच प्रतिस्पर्धा हुने आयोजकले जनाएको छ ।

प्रतियोगिताको उपाधि विजेताले नगद ५५ हजार ५ सय ५५ रुपैया, कप, मेडल, प्रमाणपत्रबाट पुरस्कृत गरिने खेल संयोजक चक्र खड्काले बताए । यसैगरि उपविजेता टिमले नगद २५ हजार ५ सय ५५ रुपैया, कप, मेडल, प्रमाणपत्रबाट पुरस्कृत गरिने छ । यसैगरि प्रतियोगितामा विधागत रुपमा खेलाडीहरुलाई समेत पुरस्कृत गरिने छ ।

नागरिक अनलाइन

लेखकबाट थप

• शुक्रवार, मंसिर २६ २०७७०७:३१:३९

• Tags:

  # फुटवल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा