बुटवल,साउन २९ ।

गोरखापत्र संस्थानमा कार्यरत करार सेवाका १२ जना पत्रकारलाई हटाउन सञ्चार तथा सूचना प्रविधि मन्त्रालयले दिएको निर्देशनप्रति नेपाल प्रेस युनियन केन्द्रीय कार्य समितिले गम्भिर आपत्ति जनाएको छ ।

सोमबार विज्ञप्ति जारी गर्दै युनियनले संस्थानमा १५० जना भन्दा बढी पत्रकार तथा कर्मचारी करार सेवामा कार्यरत रहेपनि १२ जनालाई मात्र हटाउन मन्त्रालयले दिएको निर्देशनलाई राजनीतिक प्रतिशोधको रुपमा लिएको जनाएको छ ।

हाल करार अन्त्य गर्नेगरी मन्त्रालयले पठाएको पत्रले श्रमजीवि पत्रकारको हक र अधिकार समेत कुण्ठित भएको जनाउँदै युनियनका महासचिव दिलिप पौडेलले जारी गरेको विज्ञप्तिमा भनिएको छ, ‘श्रमजीवि पत्रकार ऐन कार्यान्वयन गर्ने जिम्मेवारीमा रहेको सञ्चार तथा सूचना प्रविधि मन्त्रालयले समस्या समाधानको लागि पहल गर्नुपर्नेमा नियामक निकायलाई देखाएर जिम्मेवारीबाट पन्छन खोज्नुको नियत शंकास्पद छ ।’

गोरखापत्र संस्थान व्यवस्थापकीय नेतृत्वले सुधारका प्रयास थालनी गरिरहेको बेला राजनीतिक प्रतिशोध साधेर अनावश्यक झमेला सृजना गरेर हतोत्साहित बनाउन खोजिएको त होइन भन्ने आशंका पनि युनियनले गरेको छ । हाल मन्त्रालयले हटाउन निर्देशन दिएका पत्रकार तथा कर्मचारीहरु २०७८ कार्तिक ३० गते नियुक्त भएका थिए ।

श्रमजीवि पत्रकार ऐन कार्यान्वयन गर्नेुपर्ने जिम्मेवार निकायले सहजीकरण गर्नुपर्नेमा कुनै निकायको पत्रको आधारमा पत्रकारको नवीकरण बदर गर्न निर्देशन दिएको प्रति यसअघि पनि सञ्चारसम्वद्ध विभिन्न निकायले विरोध गरिरहेका छन् ।

विगत २१ महिनादेखि संस्थानमा काम गर्दे आएका पत्रकारको नियुक्ति प्रक्रियालाई बदर नगर्न चेतावनी दिदै युनियनले यसलाई विधिसम्वत बनाउने दायित्व मन्त्रालय र संस्थानको रहेको स्पष्ट पारेको छ ।

साथै श्रमजीवि पत्रकारलाई सेवाबाट हटाउने प्रयास भएमा नेपाल प्रेस युनियन कडा कदम चाल्न बाध्य हुने चेतावनी दिएको छ ।

नागरिक अनलाइन

लेखकबाट थप

• सोमवार, श्रावण २९ २०८००२:४७:२०

• Tags:

  # गोरखापत्र संस्थान # नेपाल प्रेस युनियन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा