बुटवल,साउन २७ ।

नेपाल जेसीजको क्षेत्र ‘घ’ को सम्मेलन रुपन्देहीको तिलोत्तमामा हुने भएको छ । नेपाल जेसीज तिलोत्तमा शाखाको आतिथ्यतामा यही भदौ ८ र ९ गते सम्मेलन हुने भएको हाे ।

दुई दिनसम्म चल्ने सम्मेलनले तिलोत्तमाको पहिचानलाई अझ माथी उठाउने नेपाल जेसीज तिलोत्तमा शाखाका पुर्व अध्यक्ष तथा कार्यक्रम सह निर्देशक यादव भट्टराईले बताए । ड्रिमल्याण्ड गोल्ड रिसोर्टमा हुने सम्मेलनमा उद्घाटन सत्रमा मात्र १ हजार ५ सय जनाको सहभागिता हुने क्लवका महासचिव महेश शर्मा पाैडेलले बताए ।

सम्मेलनमा ‘घ’ क्षेत्र अन्तर्गतका ५७ वटा क्लवका प्रतिनिधीहरुका साथै देशका अन्य शहरबाट पनि जेसीजको प्रतिनिधत्व हुने छ ।

सम्मेलनमा विभिन्न विषयमा कार्यपत्र प्रस्तुत गरिनेछ । सम्मेलनमा नेपाली कांग्रेसका युवा नेता तथा प्रतिनिधसभा सदस्य प्रदीप पौडेल,  नेकपा एमालेका नेता प्रतिनिधसभा सदस्य योगेश भट्टराई,स्वतन्त्र पार्टीका नेता तथा प्रतिनिधसभा सदस्य उमेश झाको सहभागिता हुने छ । सम्मेलनमा सहभागि हुनेहरुका लागि प्रति व्यक्ति ६ हजार रजिष्टेशन शुल्क राखिएको छ ।

नेपाल जेसीज तिलोत्तमा शाखाका अध्यक्ष प्रकाश गौतमले सम्मेलन तिलोत्तमाको पहिचान अझ माथी उठ्नका साथै यस क्षेत्रको आर्थिक चलायमान पनि बढ्ने बताए । साथै सम्मेलनमा सहभागि बीच बक्तृत्वकला प्रतियोगिता, तालिम समेत हुने बिनाेद सुवेदीले बताए ।

सम्मेलनको भदौ ८ गते विहान लुम्बिनी प्रदेशका मुख्यमन्त्री डिल्ली चौधरीले उद्घाटन गर्ने कार्यक्रम छ ।

नागरिक अनलाइन

लेखकबाट थप

• शनिवार, श्रावण २७ २०८००१:१५:०५

• Tags:

  # नेपाल जेसीज # नेपाल जेसीज क्षेत्र ‘घ’

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन