लुम्बिनी, साउन २५ ।
 
लुम्बिनी विकास कोषले गुरुयोजना क्षेत्रभित्र र वाहिर विद्युतको समस्याका बारेमा नेपाल विद्युत  प्राधिकरण लुम्बिनी प्रदेश कार्यालय बुटवल र वितरण केन्द्र भैरहवाका प्रमुखसँग भेटगरि छलफल गरेको छ ।
 
कोषका  कोषका निमित्त उपाध्यक्ष एंव कोषाध्यक्ष ढुण्डिराज भट्टराई (सिद्धिचरण), सदस्य सचिव सानुराजा शाक्य र योजना प्रमुख सरोज भट्टराईले विद्युत समस्याको दीर्घकालिन समस्या समाधानका बिषयमा छलफल गर्नुभएको हो ।

 नेपाल विद्युत प्राधिकरण लुम्बिनी प्रदेश कार्यालय बुटवलका प्रमुख नवराज ओझालार्ए बुद्धजन्मस्थल लुम्बिनीको गुरुयोजना क्षेत्रभित्र विद्युतका कारण निकै समस्या भोग्नुपरेकाले त्यसको समाधान गर्न कोषका तर्फबाट प्राधिकरणको ध्यानआर्कषण गराइएको कोषले जनाएको छ ।
 
कोषका निमित्त उपाध्यक्ष एंव कोषाध्यक्ष ढुण्डिराज भट्टराईले अन्तर्राष्ट्रिय पर्यटकीय स्थल लुम्बिनीमा अनियमित विद्युत कटौती, भोल्टेजको समस्याले हैरानी बनाएकाले यसको दीर्घकालिन समाधान गर्न आग्रह गर्नुभयो ।
सदस्य सचिव सानुराजा शाक्यले धेरैपटक छलफल गरिएपनि विद्युतको समस्या हल हुन नसकेकाले 
कोषभित्रको विद्युत समस्याको प्राविधिक समस्याको अध्ययन गरि समाधान गर्न आग्रह गर्नुभयो ।  
भेटघाटमा कोष योजना प्रमुख सरोज भट्टराईले गुरुयोजनामा विद्युतको समस्यालाई समाधान गर्न कोष प्राधिकरणसँग सहकार्य गरेर अगाडी बढ्न तयार रहेको बताउनुभयो ।

गुरुयोजना क्षेत्रभित्र विस्तार गरिएको तार, सोलारको उर्जा विद्युत ग्रिडमा जडान जस्ता समस्यालाई प्रदेश तहबाट समाधान गर्ने प्रदेश निर्देशक नवराज ओझाले बताउनुभयो । कोषका पदाधिकारीहरुले नेपाल विद्युत प्राधिकरण भैरहवा वितरण केन्द्रका सहायक प्रवन्धक संजय कुमार मिश्रलाई समेत भेट गरेको छ ।
 
यसअघि कोषाध्यक्ष भट्टराईको नेतृत्वमा नेपाल विद्युत प्राधिकरणका कार्यकारी निर्देशक कुलमान घिसिङलाई भेट गरि कोष र लुम्बिनी क्षेत्रका लागि छुटाछुट्टै रुपमा विद्युत वितरणको व्यवस्था गर्न माग गर्नुभएको थियो । सोही माग अनुसार अहिले लुम्बिनी विकास कोषको गुरुयोजना क्षेत्रभित्र छुट्टै फिडर जडान समेत भइसकेको छ ।

जसका कारण अहिले लुम्बिनीको बाहिर क्षेत्रमा विद्युत कटौती, लोभोल्टेज जस्ता समस्याहरु समाधान भएको नेपाल विद्युत प्राधिकरण भैरहवा वितरण केन्द्रका सहायक प्रवन्धक संजय कुमार मिश्रले जानकारी दिनुभयो ।

नागरिक अनलाइन

लेखकबाट थप

• बिहिवार, श्रावण २५ २०८००९:५८:३६

• Tags:

  # लुम्बिनी विकास कोष # विद्युत समस्या

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...