बुटवल,साउन ६ ।

रुपन्देही जिल्ला शिक्षा समन्वय इकाईको सरकारी गाडी शनिबार दुरूपयोग गरेको भेटिएको छ । शिक्षा समन्वय इकाईका प्रमुख दिपेन्द्र ढकालले सरकारी गाडीको दुरुपयोग गरेका हुन् ।

उनले शनिबार पनि जिल्ला प्रशासन कार्यालयको अनुमती विना सरकारी गाडी लिएर घुमफिर र खानपानमा हिँडेको भेटिएको छ ।शनिबार विहान बुटवलबाट केवलकार चढेर वसन्तपुर घुमेका उनले दिउँसो पाल्पाको नुवाकोटमा पुगेर दारु पार्टी गरेका छन् । उनले बा २ झ १०१० नम्बरको सरकारी गाडी लिएर घुमफिरमा निस्किएका हुन् ।

आफ्ना केही साथीहरु तथा नीजि विद्यालयका सञ्चालकलाई बोकेर नुवाकोट  पुगेका उनले स्कुलको अनुगमनमा निस्किएको र खाजाखानका लागि नुवाकोट पुगेको प्रतिक्रिया दिए ।

शनिबारको दिन बुटवलका केही निजी विद्यालय निरीक्षण गरेको बताउने उनले यसअघि पनि पटक-पटक सरकारी गाडीको दुरुपयोग गरेको आरोप लाग्ने गरेको छ ।

रुपन्देहीका प्रमुख जिल्ला अधिकारी भरतमणी पाण्डेले कुनै पनि सरकारी गाडी शनीबार वा विदाको दिन प्रयोग गर्नुपरेका अनुमती जारी गर्नु पर्ने भए पनि साउन ६ गते शनिबारका लागि कुनैपनि पास वा अनुमती जारी नगरिएको स्पष्ट पारे ।

ढकाल अघिल्लाे शनिबार बिना पास नै बुटवल सुख्खानगरमा नीजि कन्सल्टेन्सी उद्घाटन कार्यक्रममा सरकारी गाडीसहित पुगेका थिए । 

ट्राफिक प्रहरीले नियन्त्रणमा लियो शिक्षा समन्वय इकाई रुपन्देहीको सरकारी गाडी !

नागरिक अनलाइन

लेखकबाट थप

• शनिवार, श्रावण ६ २०८००४:५९:३२

• Tags:

  # जिल्ला शिक्षा समन्वय इकाई रुपन्देही # दिपेन्द्र ढकाल # सरकारी गाडी दुरूपयोग

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन