शनिवार, श्रावण ६ २०८०

लायन्स क्लब अफ बुटवल सिद्धबाबा भृकुटीद्वारा बृक्षारोपण, लक्ष्मीनगरमा नवग्रह यन्त्र वृक्ष बाटिका निर्माण

नागरिक अनलाइन

1.3K

लायन्स क्लब अफ बुटवल सिद्धबाबा भृकुटीद्वारा बृक्षारोपण, लक्ष्मीनगरमा नवग्रह यन्त्र वृक्ष बाटिका निर्माण

बुटवल,साउन ६ ।

लायन्स क्लब अफ बुटवल सिद्धबाबा भृकुटीले बुटवलको लक्ष्मीनगरमा बृक्षारोपण गरेको छ । क्लवका अध्यक्ष लक्ष्मी पाण्डेको अध्यक्षतामा भएको कार्यक्रममा कुश,पिपल,डुम्री ,शनि, दतिवन, आंक,पलास, खयर,श्रीखण्ड लगायत अन्य फलफूलका बिरूवा रोपिएको सचिव बिष्णु बोहोराले बताउनुभयो ।

सो अवसरमा बोल्दै प्रमुख अतिथि लायन्स क्लव इन्टरनेशनल ३२५ पि का डिस्ट्रीक गर्भनर अर्जुनमान सैँजूले क्लवले सामाजिक क्षेत्रमा पुर्याएको योगदानको कदर गर्नुभयो । उहाले लायन्समा नयाँ सदस्याता थपेर चलायमान बनाउनुपर्ने बताउनुभयो । सो अबसरमा कार्यक्रम संयोजक चित्र रोका लगायतले बोलेका थिए ।

करिब ५० हजार खर्चमा क्लवले नवग्रह यन्त्र वृक्ष बाटिका बनाएको हो । सो अवसरमा बोल्दै अध्यक्ष पाण्डेले बर्षभर नै रचनात्मक काम गर्ने बताउनुभयो ।

क्लवले यसअघि पनि सोही स्थानमा बाटीका बनाएर निरन्तर काम गरिहेको छ ।कार्यक्रमममा पूर्व अध्यक्ष ,पदाधिकारी ,सदस्यहरुको बाक्लो सहभागिता रहेको थियो ।,