बुटवल,साउन ३।

तिलोत्तमा उद्योग वाणिज्य संघ, रुन्देहीले उद्योगी ब्यवसायीहरुलाई निर्वाध तथा सुरक्षित रुपमा आफ्नो उद्योग ब्यवसाय सञ्चालन गर्न पाउने अधिकारको प्रत्याभूति दिलाउन माग गरेको छ ।

संघले नगरमा शान्ति सुरक्षा कायम गर्ने र उद्योगी ब्यवसायीको संरक्षण गर्ने दायित्व स्थानीय सरकार तथा नगरपालिकाको भएकाले यस तर्फ ध्यान दिन नगरपालिकाको ध्यानाकर्षण गराउंदै तिलोत्तमा नगरपालिकामा ज्ञापन पत्र बुझाएको छ ।  

तिलोत्तमा ११ गाईघाटका निर्माण ब्यवसायी गोविन्द प्रसाद अधिकारीको निवासको पार्किङ्गमा राखिएका जे.सी.भी.,भ्याक्कु र टेक्टरमा आपराधिक समूहबाट भएको आगजनी र उद्योगी ब्यवसायीलाई आतंकित बनाएको घटना प्रति निजि क्षेत्रको प्रतिनिधिमूलक संस्था तिलोत्तमा उद्योग वाणिज्य संघले भ्रत्सना गर्दै शान्ति सुरक्षाको भरपर्दो प्रवन्ध मिलाउन नगरपालिकासंग आग्रह गरेको छ ।

संघका अध्यक्ष गुणनिधि भण्डारी(माधव) को नेतृत्वमा नगरपालिका गएको संघको प्रतिनिधि मण्डलले यही श्रावण १ गते सोमबार विहान करिव २ः३० वजे भएको आगजनीको घटनाको जानकारी गराउंदै शान्ति सुरक्षाको भरपर्दो ब्यवस्था मिलाउन माग गर्दै नगर प्रमुख रामकृष्ण खाँणलाई बुधबार दिउसो ज्ञापन पत्र बुझाएको हो ।

संघका अध्यक्ष भण्डारी र महासचिव राजकुमार पाण्डेद्वारा हस्ताक्षरित ज्ञापन पत्रमा यस्ता खालका आपराधिक क्रियाकलापका कारण उद्योगी र ब्यवसायीहरुले यस क्षेत्रमा उद्योग ब्यवसाय गर्न नसकी विस्थापित हुनुपर्ने अवस्था आउन सक्ने भएकाले शान्ति सुरक्षाको प्रवन्ध मिलाउन सम्वन्धित निकायसंग अपिल गरिएको छ ।

संघले उक्त घटनाको यथाशिघ्र छानविन गरी आपराधिक क्रियाकलापमा संलग्न दोषीमाथि कडा कारवाही गर्न तिलोत्तमा नगरपालिका, प्रहरी प्रशासन र राज्यको ध्यानाकर्षण गराएको छ ।  

नागरिक अनलाइन

लेखकबाट थप

• बुधवार, श्रावण ३ २०८००७:३०:३५

• Tags:

  # तिलोत्तमा उद्योग वाणिज्य संघ

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन