बुटवल,साउन २।

नेपाली कांग्रेस केन्द्रीय कार्यसमितिको बैठक पार्टी केन्द्रीय कार्यालय सानेपामा सुरु भएको छ ।

पार्टी केन्द्रीय कार्यालय सानेपामा सुरू भएको बैठक कांग्रेसले पार्टीको फेसबुक पेजमार्फत प्रत्यक्ष प्रसारण गरेको छ ।बैठकमा काँग्रेस महामन्त्री गगनकुमार थापाले बार्षिक कार्ययोजना प्रस्तुत गर्नुहुँदै पार्टीको सदस्यता ५ लाख देखि ७ लाख थप गर्ने प्रस्ताव गर्नुभएको छ ।

काँग्रेसले पहिलो पटक पार्टीका केन्द्रीय सदस्यहरुलाई पार्टीको कामबाट छुट्टी दिएर जनतालाई सेवा र सहयोग गर्न खटाउने प्रस्ताव पनि गरेको छ । यसैगरी महामन्त्री थापाले २२ वटा विभागहरु थप गर्न पनि बैठकमा प्रस्ताव गर्नुभएको छ । उहाँले पार्टीको केन्द्रदेखि गाउँ इकाइसम्म बार्षिक क्यालेनण्डर बनाएर लागु गर्ने योजना पनि सार्वजनिक गर्नुभयो ।

पार्टी सभापति शेरबहादुर देउवाको अध्यक्षतामा बसेको बैठकको प्रारम्भ गर्दै महामन्त्री विश्वप्रकाश शर्माले बैठकका कार्यसूचीबारे जानकारी गराउनुभएको थियो ।

बैठकमा छलफलका लागि विभिन्न १० कार्यसूची तय गरिएका छन ।यसैगरी विभाग गठनसम्बन्धी, पार्टीको राष्ट्रिय अभियान घोषणासम्बन्धी प्रस्ताव, अनुशासन समितिको प्रतिवेदनसम्बन्धी, प्रतिनिधिसभा बैठकमा पार्टीको भूमिका, सरकारमा पार्टीको भूमिका विषयको कार्यसूची महामन्त्री शर्माले केन्द्रीय समितिको बैठकमा जानकारी गराउनुभएको थियो ।

बैठकमा केन्द्रीय सदस्यहरुले धारणा राख्ने क्रम भोलिदेखि शुरु हुनेछ ।

नागरिक अनलाइन

लेखकबाट थप

• मंगलवार, श्रावण २ २०८००७:२६:३०

• Tags:

  # नेपाली कांग्रेस

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन