बुटवल ,जेठ ३२ ।

मानव अधिकार तथा शान्ति समाज सुर्खेत शाखाले कर्णाली प्रदेशका हिमाली तथा दुर्गम जिल्लाका दलित बालिककालाई छात्रवृत्ति दिने अभियान सुरु गरेको छ। ‘छोरी पढाउ गरिमा बढाउ’ भन्ने मूल नाराका साथका कर्णालीका हिमाली जिल्लाहरूमा यो अभियान सुरु गरिएको हो।

शान्ति समाजले कर्णाली प्रदेशका विकट हिमाली जिल्ला हुम्ला, जुम्ला, कालीकोट, र मुगुका विपन्न दलित समुदायका ६७ बालिकालाई छात्रवृत्ति प्रदान गरेको छ। २०८० सालबाट प्रदान गरिने तीन वर्षे छात्रवृत्ति अभियानका क्रममा ६ कक्षामा अध्ययनरत ६७ बालिकालाई हरेक वर्ष १२ हजार छात्रवृत्ति प्रदान गरिनेछ।

कर्णाली प्रदेशका ६ जिल्लाका ८४ जना दलित समुदायका बालिकाहरूलाई पहिलो वर्षको छात्रवृत्ति रकम १० लाख ८ हजार वितरण गरिएको छ।

शान्ति समाजले २०७८ सालबाट सुरु गरेको पाँच वर्षे बालिका छात्रवृत्ति अभियानको पहिलो चरणमा मोरङ जिल्लाको दुई वटा गाउँपालिकाका ३७ जना विपन्न दलित समुदायका बालिकालाई हरेक वर्ष १२ हजारको छात्रवृत्ति प्रदान गर्दै आएको छ। यससँगै शान्ति समाजले हरेक वर्ष बालिकाहरूलाई प्रदान गर्ने छात्रवृत्ति संख्या १०४ पुगेको छ।

अभियानमा शान्ति समाजका संस्थापक सभापति कृष्ण पहाडी, का.वा. सभापति कृष्णबहादुर रावल, सल्लाहकार एवं निवर्तमान सभापति गोविन्द खनाल, कर्णाली प्रदेश सचिव प्रकाश शाही, केन्द्रीय सदस्य अरुण ज्ञवाली र आजीवन सदस्य एस आर पाण्डे सम्मिलित हुनुहुन्थ्यो ।

नागरिक अनलाइन

लेखकबाट थप

• बिहिवार, जेठ ३२ २०८०११:२०:३५

• Tags:

  # छात्रवृत्ति प्रदान # ‘छोरी पढाउ गरिमा बढाउ’ # मानव अधिकार तथा शान्ति समाज

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा