बुटवल,जेठ ३१ ।

विश्व रक्तदाता दिवसको अवसरमा मानव अधिकार तथा शान्ति समाज रुपन्देही शाखा र नेपाल स्वयंसेवी रक्तदाता समाज, रुपन्देहीले संयुक्त रक्तदान कार्यक्रम गरेको छ । रक्तसंचार सेवा केन्द्र, ब्लड बैकको प्राविधिक सहयोगमा बुधबार रक्तदान गरेको हो ।

कार्यक्रमको एक समारोहका बिच समाजका केन्द्रीय सल्लाहकार गोबिन्द खनाल, नेपाल स्वयंसेवी रक्तदान समाजका केन्द्रीय महासचिव कृष्ण चौहानले जिल्ला शाखा सभापति कृष्ण भट्टराईलाई ब्लड ब्याग हस्तान्तरण गरि कार्यक्रमको उद्घाटन गरेका छन् ।

कार्यक्रममा केन्द्रीय निवर्तमान सभापित एवं सल्लाहकार गोबिन्द खनालले रक्तदान पुण्य कार्य भएको भन्दै विशेष दिनको अवसरमा पारेर देशब्यापी कार्यक्रम गरिएको बताए । समाजको देशभरका शाखाहरुमा रक्तदान आयोजना गरिएको उनले बताए ।

नेपाल स्वयंसेवी रक्तदान समाजका केन्द्रीय महासचिव कृष्ण चौहानले ब्लड ग्रुपको अभाव देखिएको बताए । रगतको माग धेरै हुने तर दाता सिमित हुदा अभाव देखिने भन्दै नियमित रक्तदानसहित युवाहरुको अग्रसरतामा रक्तदानबाट धेरै लाभ मिलेको बताए ।

कार्यक्रममा समाजका समाजका जिल्ला सभापति खिमप्रसाद भट्टराइ (कृष्ण) ,सचिव कृष्ण पाण्डे लगायतले बाेल्दै रक्तदाता बढाउन अभियान चलाउन जरूरी रहेको धारणा राखे । कार्यक्रममा ४२ युनिट रगत संकलन भएको छ ।

नागरिक अनलाइन

लेखकबाट थप

• बुधवार, जेठ ३१ २०८०१२:५९:०४

• Tags:

  # विश्व रक्तदाता दिवस # मानव अधिकार तथा शान्ति समाज रुपन्देही # नेपाल स्वयंसेवी रक्तदाता समाज रुपन्देही

• छापिएर आएको लाइसेन्स लिन पनि २ दिन लाइनमा,टोकन पाउनै मुस्किल !

• कप्तानगञ्ज घटना : पीडित र गृहमन्त्रीबीच सात बुंदे सम्झौता

• प्रतिशोधको भावना नलिई संयमता अपनाउन प्रधानमन्त्रीको आग्रह

• राष्ट्रपति पौडेलले बोलाएपछि शीतलनिवास पुगे प्रधानमन्त्री,के-के भयो छलफल ?

• बुटवलका १२ राजनीतिक दलले गरे सामाजिक सद्भाव कायम राख्न संयुक्त अपिल