दाङ,जेठ २ ।

लुम्बिनी प्रदेशको आर्थिक मामिला मन्त्रीमा धनबहादुर रानालाई नियुक्त  गरिएको छ ।  मुख्यमन्त्री चौधरीले कार्य विभाजन गर्दै वैशाख १४ गते आफूसँगै मन्त्री बनेका रानालाई आर्थिक मन्त्रालयको जिम्मा दिएका हुन् ।

माओवादीबाट बिना विभागीय मन्त्री बनेका रानालाई अर्थ मन्त्रालय मन्त्रालयको जिम्मा दिए पनि अन्य दुई बिना विभागीय मन्त्रीलाई  मन्त्रालयको जिम्मेवारी दिन सकेका छैनन् ।

नागरिक उन्मुक्ति पार्टीबाट धर्मबहादुर चौधरी र लोकतान्त्रिक समाजवादी पार्टीबाट सन्तोषकुमार पाण्डे बिना विभागीय मन्त्री बनेका थिए । वैशाख १५ मा बसेको मन्त्रिपरिषद्को बैठकले १० वटै मन्त्रालयको जिम्मेवारी मुख्यमन्त्रीलाई दिएको थियो । बजेट बनाउने बेलामा अर्थ मन्त्रालय मन्त्रीविहीन भएको आलोचना बढेपछि रानालाई अर्थको जिम्मेवारी दिइएको मुख्यमन्त्री कार्यालय सचिवालयले जनाएको छ ।  

यसअघि मन्त्रालय विभाजन गरेर गठबन्धन दलमा सरकारको नेतृत्व गरिरहेको दल नेपाली कांग्रेसले ४, माओवादीले ३ तथा अन्य ६ वटा साना दललाई १र१ वटा मन्त्रालय दिने तयारी भएको विषय बाहिर आएपनि सरकारको आलोचना भएको थियो ।

जसका कारणले मुख्यमन्त्री चौधरीले अझै मन्त्रिपरिषद्लाई पूर्णता दिन सकेका छैनन् । लुम्बिनी प्रदेशका बिना विभागीय मन्त्री सन्तोष पाण्डेयले भएका मन्त्रीलाई जिम्मेवारी दिने र नयाँ  मन्त्री नियुक्त गर्ने काम छिटै हुने बताएका छन् ।

नागरिक अनलाइन

लेखकबाट थप

• मंगलवार, जेठ २ २०८००८:५६:४९

• Tags:

  # मन्त्रिपरिषद # लुम्बिनी प्रदेश सरकार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा