बुटवल, मंसिर १५ -

आवास ग्रुपले रुपन्देहीमा एकैपटक दुई वटा नँया उद्योगको शिलान्यास र अर्को एक उद्योगको उत्पादन शुभारम्भ गरेको छ । सोमबार एक समारोहका बिच तिलोत्तमा–१७, गंगोलियामा ज्याकोर पाईप एण्ड फिटिङ कम्पनीको भवन शिलन्यास गरिएको हो ।

डेढ विगाहा क्षेत्रफलमा निर्माण हुने उद्योगको पूर्वाधारमा २० करोड रुपैया लगानी रहेको छ । यहा पिभिसि, एचडिपि, सिपिभिसि, युपिभिसि लगायत पाईप एण्ड फिटिङका उत्पादन हुने आवास ग्रपका संचालक महेश थैवले बताए ।

यसअघिबाट आवास ग्रुपबाट जे आई फिटिङ उत्पादन हुँदै आएको थियो ।करीब ६ महिनामा फैक्ट्रीको पुर्वाधार र मेशिन जडान भएर बजारमा उत्पादन जाने उनले बताए ।

यसैगरि सोमबार नै देवदह–१०, भलुहीमा आवास ग्रुपको डुंगारी गार्मेन्ट इन्डष्ट्रिज प्रालिको शिलन्यास गरिएको छ । एक समारोहका बिच देवदह नगरपालिकाका नगरप्रमुख हिरा बहादुर खत्री, वडा नं १० वडाअध्यक्ष एक बहादुर सुनार, संचालक यज्ञश्वर थैव, राजेश थैवसहित थैव परिवारले नया उद्योग भवनको विधिवत शिलन्यास गरेका हुन ।

कार्यक्रममा बोल्दै नगरप्रमुख खत्रीले देशमा उद्योग ब्यापार बढाउदै युवाहरुलाई स्वरोजगार बनाउने नीति सरकारको हुनुपर्ने बताए । करिब ११ कठ्ठा क्षेत्रफलमा निर्माण हुने उद्योगमा पहिलो चरणमा २५ करोड रुपैया लागत रहेको छ । जिन्स पाईन्ट, जुत्ता लगायत परिकारहरुलाई डुगारी भनिन्छ । उद्योगबाट ५ सय जनाले रोजगार पाउने छन ।

यसैगरि देवदहमा नै लिडर्स ट्याप्स एण्ड भल्भ प्रालिको समेत उत्पादन शुरु भएको छ । आवास ग्रुपको देवदहमा खानेपानीमा प्रयोग हुने गन मेटलका फिटिङहरु, बाथरुम सेटहरु उत्पादन तथा हेल्मेट, लेगार्ड र फर्निचर समेत गरि पाच वटा फैक्ट्री रहेका छन् ।

नागरिक अनलाइन

लेखकबाट थप

• सोमवार, मंसिर १५ २०७७०९:२९:५०

• Tags:

  # उद्याेग # आवास ग्रुप

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा