बुटवल,भदौ १८ ।

बाग्लुङको ढोरपाटन नगरपालिकामा बुधबार राति गएको बाढीपहिरोमा बेपत्ता भएकामध्ये अहिलेसम्म ११ जनाको शव फेला परेको छ। नगरपालिकाको ७, ८ र ९ वडाको तटीय बस्तीमा भूजी खोलाको बाढी पस्दा ३६ जना बेपत्ता भएको सिडिओ सुरेश न्यौपानेले जानकारी दिए। उनका अनुसार ११ शवमध्ये १ जनाको पहिचान खुलेको छ।

मृतकमध्ये २६ वर्षीया केश माया विकको पहिचान खुलेको हो। अन्यको सनाखत हुन सकेको छैन।‘घटनास्थलमा ५०-६० को हाराहारीमा प्रहरी र सेना खटिएका छन्’, उनले भने।बेपत्ताको सङ्ख्या अझ बढ्न सक्ने अनुमान प्रहरीको छ।बाढीले ३१ घरमा पूर्ण क्षति पुर्‍याएको छ।घटनामा हालसम्म चार जना घाइते भएको प्रहरीको भनाइ छ।

अरिवरल वर्षासँगै गएराति १२ बजेको समयमा आएको बाढीले बस्तीका घर बगाएको घटनास्थलमा रहेका इलाका प्रहरी कार्यालय बुर्तिवाङका प्रमुख प्रहरी निरीक्षक प्रकाशसिंह भण्डारीले जानकारी दिए।

प्रहरीका अनुसार बाढीका कारण घाइते हुनेमा ढोरपाटन नपा ४ दुनेपोखराका १५ वर्षीय महेन्द्र पुन, २८ वर्षीया सरीता घर्ती, ४२ वर्षीय धर्मेन्द्र पुन र ५४ वर्षीया बेलमती पुन छन्। 

नागरिक अनलाइन

लेखकबाट थप

• बिहिवार, भाद्र १८ २०७७१२:२८:५९

• Tags:

  # बाढी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन