बुटवल,मंसिर १४ -

नेपाल उद्योग वाणिज्य महासंघको बरिष्ठ उपाध्यक्ष पदमा चन्द्र ढकाल विजयी भएका छन् ।ढकालले प्रतिस्पर्धी किशोर प्रधानलाई पराजित गरे ।

विजयी भएका ढकालले ३० प्रतिशत मतभार हुने एशोसियटमा ५२२ मत ल्याए भने प्रधानले ३७५ मत ल्याए । यस्तै २० प्रतिशत मतभार भएको वस्तुगतमा ५९ मत ल्याए भने प्रधानले ३९ मत ल्याए । ५० प्रतिशत मतभार रहेको जिल्ला नगरमा ५२ मत ढकाल र ५३ मत प्रधानले प्राप्त गरे ।

नेपाल उद्योग वाणिज्य महासङ्घको वरिष्ठ उपाध्यक्षमा निर्वाचित भएपछि ढकालले महासंघमा अब प्यानल सकिएको बताएका छन् । 

निर्वाचित भएपछि पत्रकारहरूसँग कुराकानी गर्दै ढकालले अब महासङ्घलाई बलियो र सबल संस्थाको रूपमा अगाडि लैजाने प्रतिबद्धता जनाए । 

उनले भने, अब चुनावसँगै प्यानल पनि सकियो । हामीलाई विश्वास गर्ने सबैलाई धन्यवाद दिन चाहन्छु ।

जिल्ला नगरको उपाध्यक्षमा प्रधान समुहका दिनेश श्रेष्ठ निर्वाचित  :

उद्योग वाणिज्य महासंघको जिल्ला नगरको उपाध्यक्षमा दिनेश श्रेष्ठ निर्वाचित भएका छन् । बरिष्ठ उपाध्यक्षका उम्मेद्वार किशोर प्रधान समुहबाट जिल्ला नगर उपाध्यक्षमा दिनेश श्रेष्ठ निर्वाचित भएका हुन् ।

दिनेश श्रेष्ठले  ५८ मत ल्याएर चन्द्र ढकाल समुहका गुणनिधी तिवारीलाई पराजित गरे ।

पराजित भएका तिवारीले ४७ मत ल्याए । महासंघको बागमती प्रदेशको अध्यक्ष रहेका श्रेष्ठले वस्तुगत उपाध्यक्षको रुपमा काम गरिसकेका छन् । तिवारी भने लुम्बिनी प्रदेशका अध्यक्ष हुन् ।

नागरिक अनलाइन

लेखकबाट थप

• आइतवार, मंसिर १४ २०७७०९:१७:३४

• Tags:

  # विजयी # नेपाल उद्योग वाणिज्य महासंघ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा