बुटवल,चैत्र १८ ।

रूपन्देहीको नमस्ते एकेडेमी क्याम्ब्रिज इन्टरनेशनल स्कूलमा आबद्ध भएको छ । ब्रिटिस व्यवस्थापन ग्रुपको व्यवस्थापनमा सञ्चालित तिलोत्तमा–१४ स्थित एकेडेमी क्याम्ब्रिज स्कूलले निर्धारण गरेका विभिन्न सूचकहरु पूरा गर्दै काठमाडौं बाहिरको क्याम्ब्रिज स्कूलमा रजिष्टर हुने पहिलो विद्यालय बनेको हो ।

विद्यालयका प्राचार्य जिम्मे शेर्पाले कक्षा ७ सम्मका लागि क्याम्ब्रिजमा रजिष्टर भएको बताए । शेर्पाले क्याम्ब्रिजमा जोडिएका विश्वका सबै स्कूलको करिकूलम अनुसार पढाई हुने बताए ।

‘क्याम्ब्रिज स्कूलमा आबद्ध १६० वटा देशका स्कूलमा आफ्नो देशको बाहेक अंग्रेजी, गणित र विज्ञानमा क्याम्ब्रिजको शिक्षण विधि अनुसार पढाई हुन्छ । जसले विश्वमा सबै देशका लागि दक्ष जनशक्ति उत्पादन गर्ने गरी पढाईमा अब्बल बढाउछ ।’ विद्यालयका विद्यार्थीले सातामा कुनै सामाजिक काम गर्नुपर्छ ।

क्याम्ब्रिज स्कूलमा आबद्ध भएपछि विद्यालयले शुक्रबार अभिभावकहरुको भेला समेत गरेर जानकारी गराएको थियो ।
विश्वस्तरको नेपाली हावापानी सुहाउदो शिक्षा दिने उद्देश्यले स्थापित एकेडेमीले छोटो समयमै उचाई प्राप्त गरेको विद्यालयका निर्देशक विष्णुप्रसाद भुसालले बताए ।

विद्यालयले यस वर्षदेखि अतिरिक्त क्रियाकलापका लागि हुक अफ इडनबरोका लागि अनुमति प्राप्त गरेको छ । विद्यालयमा ४०० विद्यार्थी अध्ययनरत छन । ५ वर्ष अगाडि मोफसलमै अन्तराष्ट्रिय स्तरको रुपमा स्थापित एकेडेमीले छोटो समयमै उत्कृष्ट बन्दै गएको छ । विद्यालयले यो वर्षको माध्यामिक शिक्षा परीक्षा एसईईमा ३१ जना विद्यार्थी सहभागी रहेका विद्यालयका संस्थापक प्राचार्य राजेन्द्र कुँवरले जानकारी दिए ।

नागरिक अनलाइन

लेखकबाट थप

• शनिवार, चैत्र १८ २०७९०८:३८:१०

• Tags:

  # क्याम्ब्रिज इन्टरनेशनल स्कूल # नमस्ते एकेडेमी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा