बुटवल,चैत्र १२।

लुम्बिनी प्रदेश सरकारमा रहेको नेकपा माओवादी केन्द्रले समर्थन फिर्ता लिएर सरकारमा रहेका आफ्ना मन्त्रीलाई राजीनामा दिएसँगै  नयाँ मुख्यमन्त्रीको लागि दाबी पेश गरिएको छ।

नेपाली कांग्रेस लुम्बिनीका संसदीय दलका नेता डिल्लीबहादुर चौधरीले अरु दलहरुको सहमति मै मुख्यमन्त्रीको लागि दाबी पेस गरेका छन्। चौधरीले प्रदेश प्रमुख अमिक शेरचनसमक्ष दाबी पेस गरेका हुन्।

संघीय सरकारमा नेकपा एमाले नेकपा माओवादीको गठबन्धन टुटेसँगै यसको प्रभाव प्रदेश सरकारमा पनि परेको हो। माओवादी सरकार बाहिरिएसँगै लुम्बिनीमा एमालेका संसदीय दलका नेता लिला गिरी नेतृत्वको सरकार अल्पमतमा परेको छ।

कांग्रेस संसदीय दलका नेता चौधरीले ५३सांसदको हस्ताक्षरसहित मुख्यमन्त्रीमा दाबी पेस गरेका हुन्।

चौधरीलाई नेपाली कांग्रेस, नेकपा माओवादीका दलका नेता जोखबहादुर महरा, नागरिक उन्मुक्ति पार्टीका दलका नेता धर्मबहादुर चौधरी, लोसपाका दलका नेता सन्तोषकुमार पाण्डेय, जनमत पार्टीका दलका नेता चन्द्रकेश गुप्ता, जसपाका दलका नेता भण्डारीलाल अहिर, नेकपा एकीकृत समाजवादीका दलका नेता भगवती अधिकारी, जनमोर्चाका दलका नेता तारा थापा र स्वतन्त्र सांसद खड्क बस्नेतले हस्ताक्षर गरेर मुख्यमन्त्री बनाउन भनेका छन्।

• लुम्बिनी प्रदेश : जनमत पार्टीले पनि छाड्यो सरकार
• लुम्बिनी प्रदेश सरकार अल्पमतमा,नेकपा (माओवादी केन्द्र) बाहिरियो
• लुम्बिनी प्रदेशमा कांग्रेसका डिल्ली चौधरीलाई मुख्यमन्त्री बनाउन माग,५४ सांसदको हस्ताक्षर

नागरिक अनलाइन

लेखकबाट थप

• आइतवार, चैत्र १२ २०७९०३:१७:०१

• Tags:

  # लुम्बिनी प्रदेश # मुख्यमन्त्री # हस्ताक्षर # डिल्ली चौधरी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन