बुटवल,चैत्र १२।  

नेपाली राष्ट्रिय क्रिकेट टिमका खेलाडी कुशल भुर्तेल र देव खनाललाई अक्सफोर्ड माविले सम्मान गरेको छ ।

आईसीसी क्रिकेट विश्वकप लिग टूको अन्तिम खेलमा यूएईलाई हराउँदै नेपाल विश्वकप छनोट खेलमा पुगेको र सो खेलमा सहभागि भुर्तेलका साथै अन्डर १९ का क्याप्टेन खनाललाई  अक्सफोर्डले सम्मान गरेको हो ।

आइतबार विद्यालयमा आयोजित एक कार्यक्रममा विद्यालयका प्राचार्य दिनेश भुसाल , प्राध्यापक सुमन भुसाल,विरू क्षेत्री ,धर्म पौडेफ,राजकुमार पाण्डे  तथा सञ्चालक समिति सदस्य नवराज पङ्गेनी लगायतले मल्ल तथा खनाललाई जनही नगद १५००० हजार ,मेडल तथा प्रमाणपत्र सहित सम्मान गर्नुभएको थियो ।

सम्मान कार्यक्रममा बोल्दै विद्यालयका प्राचार्य दिनेश भुसालले आफ्नो संस्थाका पुर्व विद्यार्थी भुर्तेलले हालै काठमाडौंमा सम्पन्न आईसीसी क्रिकेट विश्वकप लिग टूको अन्तिम खेलमा यूएईलाई हराउँदै नेपाललाई एकदिवसीय विश्वकप छनोटमा पु¥याउन योगदान गरेको र खनालले अन्डर १९ खेलमा नेपालको गरिमालाई माथि उठाउन क्याप्टेनको भुमिकामा रहि नेपाललाई अन्डर १९ विश्वकपमा प्रवेश गर्न गरेको योगदानको कदर गर्दै  सम्मान गरेको बताएका थिए ।

तिलोत्तमा नगरपालिकामा घर भई कक्षा ११ र १२ अक्सफोर्ड  माविमा पढेका भुर्तेल र अर्घाखाँची  घर भइ कक्षा ११ र १२ पढेका देव खनालले विद्यालय तहमा पनि उत्कृष्ट प्रर्दशन गर्ने गरेको स्मरण गर्दै नेपाललाई समेत अन्तर्राष्ट्रिय जगतमा चिनाउन सफल भएकोमा प्राध्यापक सुमन भुसालले बधाई तथा उज्ज्वल भविष्यको कामना गर्दै ,अक्सफोर्ड मावि सधैं साथमा रहने प्रतिबद्धता जनाउनुभयो।

सो अवसरमा बोल्दै कुशल भुर्तेल तथा देव खनालले राष्ट्रिय टोलीमा खेल्ने खेलाडीहरु उत्पादनमा अक्सफोर्डको  ठूलो योगदान रहेको बताउँदै अक्सफोर्डका गुरु गुरूआमाले दिएको शिक्षा र प्रेरणा नै सफलताको विन्दु रहेको बताउँदै सम्मानले अझ जिम्मेवार बनाएको धारणा राखेका  थिए ।

अक्सफोर्डबाट कुशल ,देव सहित धेरै खेलाडीहरू  राष्ट्रिय खेलाडी    रहेको हुदा निरन्तरको मेहनत,अनुशासनले कुशल र देवले क्रिकेटमा सफलता हासिल गरेको बताएका थिए ।उक्त कार्यक्रमको अध्यक्ष प्राध्यापक अध्यक्षता दिनेश भुसालले गर्नुभएको थियोे ।

नागरिक अनलाइन

लेखकबाट थप

• आइतवार, चैत्र १२ २०७९०१:४४:५८

• Tags:

  # अक्सफोर्ड मावि # क्रिकेट खेलाडी

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...