बुटवल,चैत्र ९ ।

रुपन्देहीको तिलोत्तमा नगरपालिकाले नगर सरसफाइ र हरियाली बनाउनका लागि बिभिन्न महत्वपूर्ण निर्णय लागु गरे लगत्तै नियम नमान्नेलाइ जरिवाना तोकेको छ ।

नगरभित्र गुट्खाजन्य पदार्थ विक्रि गरे ५० हजारसम्म जरिवाना हुने भएको हो । समुदायमा आधारित सरसफाई अभियानको १०० औं शृङ्खला पुगेको अवसरमा चैत्र १ गते सो नगरलाई खुट्खाजन्य पदार्थमुक्त क्षेत्र घोषणा गरिएको थियो ।

सोही घोषणा कार्यान्वयनका लागि नगरपालिकाले एक बिज्ञप्ती जारी गर्दै १५ दिनभित्र त्यस्ता पदार्थहरु राखेका पसल तथा डिलरहरुबाट हटाउन आग्रह गरेको हो । नगरपालिकाका प्रमुख कार्यकारी अधिकृत नारायण प्रसाद अर्यालद्वारा  जारी भएका सुचनामा भनिएको छ – ‘मिति चैत्र ७ गतेदेखि १५ दिनपछि नगरमा कुनै पसल वा डिलरहरुले गुट्खाजन्य पदार्थ विक्रि गरेको भेटिएमा जारिवाना गरिने छ ।’

नियम उल्लङ्घन गरेको भेटिएमा डिलर व्यवसायीहरुलाई पहिलो पटक १० हजार, दोस्रो पटक २० हजार तथा तेस्रो पटक भेटिएमा ५० हजार रुपैयाँ जरिवाना गरिने उल्लेख छ ।

यसैगरी खुद्रा पसल तथा अन्य व्यवसायीका हकमा पहिलो, दोस्रो र तेस्रो पटक क्रमशः १ हजार पाँच सय, ३ हजार र ५ हजार जरिवाना गरिने भनिएको छ । तोकिएको जरिवाना कडाइका साथ लागु गरिने नगरप्रमुख रामकृष्ण खाँणले बताउनुभयो ।

चैत्र १ बाट वातावरणमैत्री स्थानीय शासनयुक्त नगरपालिका निर्माणको अभियान प्रारम्भ , नगरमा हर्न निषेध, पशु दर्ता प्रणाली सञ्चालन, फोहरमैलाको वर्गीकरण र गुट्खाजन्य पदार्थको बिक्रीवितरणमा प्रतिबन्ध लगाइएको छ ।

नागरिक अनलाइन

लेखकबाट थप

• बिहिवार, चैत्र ९ २०७९०९:३९:११

• Tags:

  # जरिवाना # तिलोत्तमा नगरपालिका # गुट्खाजन्य पदार्थ

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन