बुटवल ,मंसिर ११ - 

नेकपा महासचिव विष्णु पौडेलले पार्टीभित्र गैरराजनीतिक बहस गर्ने छुट कसैलाई नभएको चेतावनी दिनुभएको छ ।

पौडेलले यतिबेला पार्टीमा गम्भीर संकट उत्पन्न भएको भन्दै एकअर्का नेतालाई खुइल्याउने गरी गैरराजनीतिक बहस गर्न छुट नभएको बताउनुभएको हो ।

बुटवल उपमहानगरका लागि पाल्पाको झुम्सा खानेपानी योजनाको शिलन्यास गर्दै अर्थमन्त्री समेत रहेका पौडेलले जनताले स्थिरता चाहेको बेला गैरराजनीतिक कुरा उचालेर संकट पैदा गर्नु चिन्ता जनक भएको बताउनुभयो ।

उहाले नेकपामा बिग्रह भए नेकपा नरहने र त्यसले सिंगो मुलुकलाई नै हानी पुग्ने जिकिर गर्नुभयो । पार्टीभित्रको अन्तरविरोधको समाधानले देशको विकास, समृद्धि र समाजवादको बाटो समय तय गर्ने बताउँदै उनले सरकार ढल्ने आशंका नगर्न सबैलाई आग्रह गर्नुभयो । 

अर्थमन्त्रीसमेत रहनुभएका पौडेलले तिनाउले राज्यसँग केही चिज माग्दा फुटकरमा होइन थोकमा माग्न आग्रह गर्नुभयो । बुटवलमा खानेपानीको संकट भएको जनाउँदै पौडेलले पहिला कमजोरी भएपनि अब विगतको कमजोरीबाट शिक्षा लिएर कामलाई अघि बढाइने प्रतिवद्धता जनाउनुभयो ।

अर्थमन्त्री पौडेलले सिद्धबाबा सुरुङमार्गको पूर्वाधारका लागि सबै काम पुरा भएको जनाउँदै अब टेण्डरप्रक्रियामा जान लागेको बताउनुभयो ।

उहाले सुरुङमार्ग निर्माण र सडकको स्तरोन्नती गरी बुटवल–तानसेनलाई आधा घण्टाको दूरीमा खुम्चाउने दाबी समेत गर्नुभयो ।

नागरिक अनलाइन

लेखकबाट थप

• बिहिवार, मंसिर ११ २०७७०७:१७:१५

• Tags:

  # नेकपा # झुम्सा खानेपानी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा