बुटवल,फागुन २८।

गुल्मीका वरिष्ठ साहित्यकार शशी पन्थीलाई ‘धवल पुरस्कार’ प्रदान गरिएको छ । मुलुककै जेठौ धवल पुस्तकालय पाल्पाद्वारा स्थापित साे पुरस्कार पन्थीलाई दिइएको हाे । त्यस्तै ‘धवल सिर्जना पुरस्कार’ ‘कृष्ण’ कृतिका लेखक डा. शंकरप्रसाद गैरेलाई प्रदान गरिएको छ ।  

नेपाली वाङ्मयका क्षेत्रमा पुर्याएको योगदानको कदर गर्दै पन्थीलाई धवल पुरस्कारबाट सम्मान गरिएको पुस्तकालयका अध्यक्ष युवराज पौडेलले बताए । गैरे र पन्थीलाई पुस्कालय अध्यक्ष पौडेल र प्रतिनिधिसभा सदस्य ठाकुर गैरेले पुरस्कार प्रदान गरे । 
पन्थी गुल्मीको तम्घास धागीथुमका हुन् ।

भाषा, साहित्य, संस्कृतिका क्षेत्रमा साधनारत र प्राज्ञिक ब्यक्तित्वसमेत हुन् । रेसुङ्गा बहुमुखी क्याम्पसका पूूर्व क्याम्पस प्रमुख समेत रहेका पन्थी लामो समयदेखि साहित्यको क्षेत्रमा क्रियाशील छन् । पन्थीले १७ वर्षको उमेरमै गुल्मीका तम्घासमा पहिलो पटक किरण पुस्ताकालय स्थापना गरेका थिए । पुस्ताकालयमार्फत ‘हाम्रो पुरुषार्थ’ पत्रिका संचालनमा छ ।

पाल्पाको बगनासकाली गाउँपालिका–७, खानीगाउँका गैरेलाई २०७८ सालमा प्रकाशित कृतिमध्येबाट उत्कृष्ट कृतिका रूपमा ‘कृष्ण’ उपन्यास छनोटमा परेको हो । गैरे मौलिक सिर्जनाधर्मी, भाषा र साहित्यका शोधकर्ता समेत हुन् । दुबै पुरस्कारको राशी नगद २५ हजार र प्रमाणपत्र रहेको छ ।

सोही अवसरमा धवल पुस्तकालयलाई विगतमा महत्वपूर्ण योगदान पुर्याएका शिक्षासेवीहरु तानसेन–६, अमरगञ्जका द्वारिकाप्रसाद शर्मा र तानसेन–२, वडिज्ञानटोलका बुद्धीप्रसाद शर्मालाई पनि सम्मान गरिएको छ  ।

तानसेन २ मेहल्धारामा अवस्थित धवल पुस्तकालय पाल्पाले राष्ट्रिय प्रतिभाप्रति सम्मान र प्रतिभाहरूमा उत्प्रेरणा जगाउने उद्देश्यले धवल पुरस्कारको स्थापना गरी हरेक वर्ष पुुरस्कृत गर्दै आएको धवल पुस्तकालयका महासचिव राजेशकुमार अर्यालले बताए ।

वि.सं १९८३ सालमा स्थापना भएको धवल पुस्तकालय नेपालकै पहिलो सार्वजनिक पुस्तकालय हो । 

नागरिक अनलाइन

लेखकबाट थप

• आइतवार, फाल्गुण २८ २०७९१०:१०:२७

• Tags:

  # शशी पन्थी # ‘धवल पुरस्कार’ # डा. शंकरप्रसाद गैरे

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन