बुटवल,फागुन ६ ।

सहकारीहरुलाई कसरी प्रविधियुक्त बनाउन सकिन्छ भन्ने विषयमा रुपन्देहीमा सहकारीकर्मीलाई प्रशिक्षण गरिएको छ । रुपन्देही वचत तथा ऋण सहकारी संघको आयोजना र आकाश डिजिटल प्रालिको प्राविधिक सहयोगमा आयोजना गरिएको कार्यक्रममा ‘कर्जा लगानी तथा असुली कागजात डिजिटलाईजेशन’ सम्बन्धि प्रशिक्षण गरिएको थियो ।

सहकारीलाई व्यवस्थित गर्नको लागि प्रविधियुक्त बनाउन प्रोत्साहन गर्ने उद्देश्यले कार्यक्रम आयोजना गरिएको रुपन्देही बचत तथा ऋण सहकारी संघका अध्यक्ष बसन्तप्रसाद ढकालले बताउनु भयो । कार्यक्रममा ११५ जनाको संस्थागत सहभागिता रहेको थियो । त्यस अवसरमा आकाश डिजिटल प्रालिका प्रवन्ध निर्देशक टंक पराजुलीले प्राविधिक प्रशिक्षण गर्नुभएको थियो ।

संघका अध्यक्ष बसन्तप्रसाद ढकालको अध्यक्षतामा भएको कार्यक्रममा संघका प्रदेश अध्यक्ष कृष्णप्रसाद नेपाल, खेमराज पाण्डे, भानुभक्त पौडेल, मीन पौडेल लगायत भनाई राख्नुभएको थियो । कार्यक्रम कोषाध्यक्ष भोजबहादुर बुढाथोकीको स्वागत तथा सञ्चालक रामप्रसाद पौडेलको सञ्चालनमा भएको थियो ।

नागरिक अनलाइन

लेखकबाट थप

• शनिवार, फाल्गुण ६ २०७९०८:५८:०९

• Tags:

  # प्रशिक्षण # रुपन्देही वचत तथा ऋण सहकारी संघ

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग