शुक्रवार, माघ २० २०७९

लुम्बिनीमा हुन लागेको राम कथा प्रवचनको नेपाल मगर बौद्ध सेवा समाज रुपन्देहीद्वारा बिराेध

नागरिक अनलाइन

4.4K

लुम्बिनीमा हुन लागेको राम कथा प्रवचनको नेपाल मगर बौद्ध सेवा समाज रुपन्देहीद्वारा बिराेध

बुटवल,माघ २० ।

भगवान गौतमबुद्ध जन्मस्थल लुम्बिनीमा राम कथा प्रवचन हुने भएपछि नेपाल मगर बौद्ध सेवा समाज रुपन्देहीले आपत्ती जनाएको छ ।

हिन्दुगुरु मोरारी बापुले लुम्बिनीको अन्तर्राष्ट्रिय सभागृहमा श्रीराम कथा बाचन गर्ने कार्यक्रम तय भएपछि बौद्ध सेवा समाज रुपन्देहीले आज बुटवलमा पत्रकार सम्मेलनको आयोजना गर्दै आपत्ती जनाएको हो ।

माघ २१ गतेदेखि २९ गतेसम्म लुम्बिनीमा श्रीराम कथा बाचन हुने भएपछि धार्मिक नैतिकता, धार्मिक गौरब र बिशुद्ध बौद्ध धार्मिक वातावरण अक्षुण राख्नका लागि यो कार्यक्रम उपयुक्त नहुने नेपाल मगर बौद्ध सेवा समाज रुपन्देहीका अध्यक्ष जयबहादुर थापा मगरले बताउनु भयो ।

बौद्ध धर्मालम्बीको पवित्र भूमि लुम्बिनीमा बौद्धहरुको श्रद्धा,अस्था र गौरब माथि आँच आउने गरी कार्यक्रम गर्न नहुने उहाँले बताउँदै लुम्बिनी भित्र कुनै पनि राजनैतिक र अन्य धर्मालम्बीको कार्यक्रम गर्न नहुँने बताउनु भयो । श्रीराम कथा बाचन नभएर जातककथा नाम कार्यक्रम गर्न भए आफुहरुको कुनै आपत्ती नहुँने थापाले बताउनु भयो ।

बौद्ध सेवा समाजका सल्लाहकार शकर गाहाले धार्मिक अस्थाको विषय जटिल रहेकाले ब्यापार तथा अर्थतन्त्रसँग जोडेर हेर्न नहुँने बताउनु भयो । लुम्बिनीमा बौद्धसँग सम्बन्धित मात्र कार्यक्रम गर्नुपर्ने उहाँले बताउनु भयो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)