गुल्मी,पुस २४ ।

गुल्मीको रेसुङ्गा विमानस्थलमा तारा एयरको प्रमाणीकरण (प्रुभिङ–डेमोस्ट्रेसन) उडान सफलतापूर्वक सम्पन भएको छ ।

आज बिहान ११ः १४ मा त्रिभुवन अन्तर्राष्ट्रिय विमानस्थलबाट उडेको तारा एयरको नाईन एन एएलओ ट्वीनअटर–४०० वायुयान गुल्मीको रेसुङ्गा नगरपालिका–१० स्थित सिमिचौरमा निर्माण भएको रेसुङ्गा विमानस्थलमा १२ बजे अवतरण भएको हो ।

यसअघि पनि २०७५ जेष्ठ २५ गते तारा एयरले नै टेष्ट फ्लाइट गरेको थियो । तारा एयरले रेसुङ्गा नगरपालिकासंगको सहकार्यमा  प्रमाणीकरण (प्रुभिङ) उडान सम्पन गरेको हो ।

साे जहाजमा गुल्मी जिल्लाबाट निर्वाचित सांसद एवं नेपाली कांग्रेसका प्रभावशाली नेता डा.चन्द्र भण्डारी, एमाले उपमहासचिव प्रदीप ज्ञवाली, प्रदेशसभा सदस्य धनेन्द्रबहादुर कार्की, नेकपा एकीकृत समाजवादीकी सचिव रामकुमारी झाँक्री, रेसुङ्गा नगरपालिकाका प्रमुख खिलध्वज पन्थी,याेगराज कडेँलसहित तारा एयर र नेपाल नागरिक उड्डयन प्राधिकरणका अधिकारीहरु रहका थिए । 

उडानबाट आएका सबैलाई रेसुङा नगरपालिकाका मेयर लगायतका पदाधिकारीहरुले फुलको मालासहित स्वागत गरेका थिए ।   तारा एयरका प्रवक्ता सुदर्शन बर्तौलाका अनुसार आइतबार प्रुभिङ उडान सम्पन्न भएसँगै अब नियमित उडानका प्रक्रिया थालिनेछ । नियमित उडानका लागि भने कम्तिमा २ देखि ३ साता लाग्नेछ । तारा एयरले सुरुमा रेसुङ्गा नगरपालिकासँगको समन्वयमा उडान गर्ने भएको छ।

उक्त जहाजमा तारा एयरका वरिष्ठ चालकद्वय क्याप्टेन सन्तोषकुमार साह र क्याप्टेन सन्जिव श्रेष्ठले उडान भरेका हुन् ।

• गुल्मीको रेसुङ्गा विमानस्थलमा आज परीक्षण उडान,काठमाडौँबाट भर्खरै उड्यो बिमान

नागरिक अनलाइन

लेखकबाट थप

• आइतवार, पौष २४ २०७९०२:४५:२८

• Tags:

  # तारा एयर # रेसुङ्गा विमानस्थल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन