बुटवल,पुस ७ ।

बुटवल उपमहानगरपालिका प्रमुख खेलराज पाण्डेयले बुटवलमा रुपन्देही उद्योग संघ, लुम्बिनी उद्योग परिसंघ र नेपाल उद्योग परिसंघको संयुक्त आयोजनामा बिहीबारदेखि बुटवलमा सुरु भएको राष्ट्रिय औद्योगिक प्रदर्शनी, कृषि प्रविधि एवं पर्यटन महोत्सवको उद्घाटन समारोहमा बोल्दै गिरिजाप्रसाद कोईरालालाई सम्झिएका छन् ।

बुटवल उपमहानगरपालिका वडा नं। १० रामनगरमा निर्माण करिब अन्तीम चरणमा पुगेर महोत्सव हुन लागेपछिको उद्घाटन कार्यक्रममा बोल्दै पाण्डेयले गिरिजाप्रसाद कोईरालाको कारणले मेलास्थल नगरपालिका मातहत आएर महोत्सव गर्न पाएको भन्दै सम्झिएका हुन् ।

राष्ट्रपति बिद्यादेबी भण्डारी र गृहमन्त्री बालकृष्ण खाँण सहभागी कार्यक्रममा बोल्दै नगरप्रमुख पाण्डेयले भने,‘नेपाली सेनाको मातहतमा रहेको जग्गालाई तत्कालीन प्रधानमन्त्री गिरिजाप्रसाद कोईरालाज्यूको विशेष पहलका कारणले नगरपालिकाको मातहतमा ल्याएर मेला गर्न पाएका छौँ । ’ उनले गृहमन्त्री बालकृष्ण खाँण, नेकपा एमाले उपाध्यक्ष विष्णु पौडेल र स्व नेता सुर्यप्रसाद प्रधानको निकै पहलकै कारणले जग्गा प्रप्तीमा थप बल पुगेको बताए ।

यसअघि बुटवल उपमहानगरपालिकाको ११ औं नगरसभामा आगामी वर्षको नीति तथा कार्यक्रम प्रस्तुत गर्दै नगरप्रमुख खेलराज पाण्डेले बुटवल मण्डपको नामका अगाडि गिरिजा प्रसाद कोइरालाको नाम राख्ने बताएका थिए ।

तत्कालीन प्रधानमन्त्री स्वर्गीय गिरीजाप्रसाद कोइरालाले बुटवल मण्डपको जग्गा प्राप्तिमा महत्वपूणर् भूमिका निर्वाह गरेको भन्दै उनको सम्मानमा गिरिजा प्रसाद कोइराला बुटवल मण्डप नामाकरण गरिने बताएका हुन्।

पूर्व-पश्चिम राजमार्गसँगै जोडिएको बुटवल मण्डपको १६ बिघा क्षेत्रमा हाल संघीय बजेट अन्तर्गत बुटवल सम्मेलन केन्द्र निर्माण सम्पन्न भइ उद्धाटन समेत भईसकेको छ भने प्रदर्शनी केन्द्र पनि सञ्चालन योग्य बनेको छ ।

• ब्याजदर नियन्त्रणका लागि नयाँ सरकारले नीतिगत हस्तक्षेप गर्नुपर्छ: गृहमन्त्री खाँण

• उद्यमी र किसानहरू नै मुलुकको आर्थिक विकासको मेरुदण्ड हुन् : राष्ट्रपति भण्डारी

नागरिक अनलाइन

लेखकबाट थप

• बिहिवार, पौष ७ २०७९१०:०१:३७

• Tags:

  # खेलराज पाण्डेय # गिरिजाप्रसाद # ‘गिरिजा प्रसाद कोइराला बुटवल मण्डप’

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा