बुटवल,पुस ५ ।

‘मानवताका लागि संगीत यात्रा’ लिएर नेपथ्य ब्याण्ड संगीत यात्रा लिएर शनिबार साँझ बुटवल आउँदै छ ।

मानव सेवा आश्रमले नेपालको चर्चित ब्याण्ड नेपथ्य ब्याण्डसँगको सहकार्यमा यही पुस ९ गते शनिबार साँझ ४ बजे बुटवल–१२ रामनगरमा गर्ने कार्यक्रमको तयारी पूरा भएको आयोजकले बुटवलमा पत्रकार सम्मेलन गरेर जनाएको छ ।

चर्चित गायक अमृत गुरुङ र नेपालयका किरण श्रेष्ठ, अर्पण शर्मासहित प्राविधिक समेत गरि ७० जनाको टोलीसहित बुटवलमा साँगितिक कार्यक्रमका लागि आउने भएका हुन् ।

सहयोगापेक्षी सडकआश्रित मानवहरुको सेवा गर्दै आइरहेको मानवसेवा आश्रमको भवन निर्माण र आश्रितको स्वास्थ्य उपचारका लागि आपतकालिन अक्षयकोष स्थापनार्थ कन्सर्ट गर्न लागिएको  र तयारी पुरा भएको प्रचार प्रसार संयोजक कृष्ण पंगेनीले बताउनुभयो ।

कन्सर्टमा गायक गुरुङले मानवता झल्किने र मानवता प्रवर्द्धनमा सहयोग पुग्ने गीतसँगै आफ्ना चर्चित सांगीतिक प्रस्तुित गर्नेछन् । बुटवलमा हुने कन्सर्टका लागि ६ हजार टिकट बिक्री गरिने आयोजकले जनाएको छ ।टिकट शुल्क एक हजार राखिएको छ ।

टिकट खरिदका लागि मोवाइल एप ई–सेवा, खल्ती लगायतबाट अनलाइन बुकिङ गर्न सकिने महासचिब शुसिला केसीले बताउनुभयो । इ–सेवा लगायत मोवाइल एपहरुको भोटिङ तथा इभेन्टमा गएर बुटवलका लागि टिकट खरिद गर्न सकिने व्यवस्था गरिएको छ ।

यसैगरी प्रत्येक्ष रुपमा बुटवलमा रहेको मानव सेवा अश्रमको कार्यालयमा गएर पनि टिकट गरिद गर्न सकिने छ । बुटवलको राजमार्ग चौराह, मिलनचोक तथा ट्राफिकचोक लगायतका स्थानमा स्टल स्थापना गरी टिकट विक्री भइरहेको आयोजकले जनाएको छ ।

आश्रमले बेसहारा, अशक्त, असहाय, अनाथ, अभिभावकविहीन, मानसिक तथा शारीरिक रुपमा कमजोर मानवहरुको उद्धार, उपचार, परामर्श, पारिवारिक पुनर्मिलन, लालनपालन, संरक्षण, मानवोचित व्यवस्थापन गर्दै आइरहेको कार्यकम संयोजक लोकनाथ भुसालले बताउनुभयो ।

नागरिक अनलाइन

लेखकबाट थप

• मंगलवार, पौष ५ २०७९०७:४१:४३

• Tags:

  # नेपथ्य # ‘मानवताका लागि संगीत यात्रा’ # मानव सेवा आश्रम

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा