बुटवल,मंसिर २७ ।

तिलोत्तमाको मणिग्राममा जारी दोस्रो तिलोत्तमा राष्ट्रिय औधोगिक ब्यापार मेला, कृषि तथा पर्यटन महोत्सव २०७९ बुधबार सकिदै छ । मेला सकिन लाग्दा पनि मेलाका स्टलहरुमा ग्राहक उपभोक्ताको भिडभाड भने घटेको छैन ।

मंगलबार स्टलहरुमा ग्राहाकको निकै भिड देखिएको स्टल ब्यवस्थापन उपसमिति संयोजक सतिश सापकोटाले जानकारी दिए । उनका अनुसार खासगरी लत्ता कपडा र दैनिक उपभोग्यबस्तुका स्टलमा ग्राहाक उपभोक्ताको भिड रहको थियो ।

यसैबीच मेलामा मंगलबार लोकप्रिय गायक गायिकाहरु बद्री पंगेनी, शान्तारानी परियार, विक्रमबाबु विक, भुवन अधिकारी, दिपेन्द्र ओली, उद्घोषक गोपाल अधिकारी, विकास भट्टराई लगायतका प्रस्तुतिमा दर्शकहरु झुम्मिए । बुधबार दुर्गेश थापा लगायतका कलाकारको प्रस्तुति रहने आयोजकले जनाएका छन् ।

तिलोत्तमा उद्योग ब्यापार संगठनको आयोजनामा  मंसिर १५ गतेदेखि २६ सम्म तय भएको मेलामा दर्शक उपभोक्ताको चाप बढेपछि अवधि दुई दिन थप गरिएको थियो । मेला मूल आयोजक समिति संयोजक एवं तिलोत्तमा उद्योग ब्यापार संगठनको अध्यक्ष प्रेम जीएमका अनुसार बुधबार दिउँसो ३ बजे मेलाको समापन गरिनेछ ।

मेलाको सहआयोजकमा तिलोत्तमा चेम्बर अफ कमर्श र उद्योग बाणिज्य संघ तिलोत्तमा रहेका छन् । तिलोत्तमा नगरपालिका संरक्षक रहेको छ । महोत्सवमा २ सय ४१ स्टलहरु सहभागी छन् ।

नागरिक अनलाइन

लेखकबाट थप

• मंगलवार, मंसिर २७ २०७९०७:०२:३६

• Tags:

  # ब्यापार मेला # तिलोत्तमा मेला

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा