स्याङ्जा,मंसिर १४ ।

निर्वाचन सकिएको १० दिनपछि स्याङ्जाको २ नम्बर निर्वाचन क्षेत्रको मतगणना हुने भएको छ । २ नम्बर क्षेत्रमा मतगणनाको विषयलाई लिएर विवाद भएसँगै रोकिएको मतगणना निर्वाचन आयोगको निर्णयसँगै बुधवार राति ९ बजेदेखि गणना हुने भएको हो ।

मतगणनाको विषयलाई लिएर अहिले वालिङस्थित निर्वाचन अधिकृतको कार्यालयमा सर्वदलीय बैठक बसिरहेको निर्वाचन अधिकृत रामचन्द्र शर्माले बताए । सर्वदलीय बैठकले मतगणनाका विषयमा छलफल जारी राखे पनि राति ९ बजेदेखि शुरू गर्ने सहमति भइसकेको उनले बताए ।

निर्वाचन आयोगले स्याङ्जा २ को मतगणना शुरू गर्न निर्देशन दिएसँगै मतगणनाका लागि प्रक्रिया थालिएको हो । दिउँसो ४ बजेदेखि सर्वदलीय बैठक जारी रहेको छ । 

मंसिर ४ गते निर्वाचन सम्पन्न भए पनि गणना हुन सकेको थिएन । चापाकोट नगरपालिकाका ३, ४ र ५ नम्बरका ४ वटा बुथमा नेपाली कांग्रेसले बुथ कब्जा गरी एकलौटी मतदान गरेको आरोप लगाउँदै नेकपा एमालेले पुनः मतदानको माग गर्दै आइरहेको थियो ।

कांग्रेसले भने जनताको अभिमतको सम्मान गर्दै छिटोभन्दा छिटो मतगणना गर्नुपर्ने अडान राख्दै आएको थियो । दुवै दलले आआफ्ना माग पूरा गर्न माग गर्दै वालिङमा विगत १० दिनदेखि निरन्तर धर्ना तथा दबाबमूलक कार्यक्रम सञ्चालन गर्दै आइरहेका थिए । 

यसबीचमा निर्वाचन आयोगले सम्बन्धित क्षेत्रमा ३ सदस्यीय टोली स्थलगत अध्ययन अवलोकनका लागि पठाएको थियो । २ नम्बर क्षेत्रमा कांग्रेसका केन्द्रीय उपसभापति धनराज गुरुङ र एमाले केन्द्रीय सचिव पदमाकुमारी अर्याल मुख्य प्रतिस्पर्धामा छन् ।

बाजुरा र स्याङ्जा–२ मा मतगणना गर्न निर्वाचन आयोगको निर्देशन

नागरिक अनलाइन

लेखकबाट थप

• बुधवार, मंसिर १४ २०७९०७:१३:१९

• Tags:

  # धनराज गुरुङ # स्याङ्जा २ # पद्मा अर्याल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा