बुटवल,मङसिर ३  ।

आइतबार हुने प्रतिनिधिसभा र प्रदेशसभा निर्वाचनका लागि रूपन्देहीमा मतदानको तयारी पूरा भएको छ  । रूपन्देहीबाट झन्डै साढे ६ लाख जना मतदानमा सहभागी हुदैछन् । जिल्ला निर्वाचन कार्यालयका अनुसार जिल्लाभर २ सय ८ मतदान स्थल छन । ती मतदान स्थलमा ७ सय २ केन्द्र तोकिएका छन् । ती केन्द्रहरुमा आवश्यक सबै तयारी पूरा भएको छ ।

रुपन्देहीमा ५ वटा अस्थायी मतदान केन्द्र छन । कार्यालयका अनुसार रूपन्देही–१ मा प्रतिनिधिसभातर्फ २१, प्रदेशसभा १ मा ११ र २ मा १४ जना उम्मेदवार छन् । रूपन्देही–२ मा प्रतिनिधिसभातर्फ १५, प्रदेशसभा १ मा १२ र २ मा ११ जना उम्मेदवार छन् । त्यस्तै रूपन्देही–३ मा प्रतिनिधिसभातर्फ २२, प्रदेशसभा १ मा ११ र २ मा ११ जना उम्मेदवार छन् । रूपन्देही–४ मा प्रतिनिधिसभातर्फ १३, प्रदेशसभा १ मा ६ र २ मा १२ जना उम्मेदवार छन् ।

रूपन्देही ५ प्रतिनिधिसभातर्फ १७, प्रदेशसभा १ मा १३ र २ मा १४ जना उम्मेदवार छन् ।रूपन्देहीका निर्वाचन कार्यालय प्रमुख अयोध्याप्रसाद भण्डारीले जिल्लाका सबै मतदान केन्द्रमा खटिने कर्मचारीले मंसिर १ मा नै निर्वाचन सामग्री बुझी सुरक्षाकर्मी सहित सम्बन्धित केन्द्रमा रहेको बताउनुभयो । सबै मतदान केन्द्र र स्थल सुरक्षित रहेको उहाको भनाई छ । 

जिल्लाका हरेक मतदान केन्द्र र स्थलमा सुरक्षाकर्मी खटाइसकिएको प्रमुख जिल्ला अधिकारी भरतमणि पाण्डेले बताउनुभयो । १२ वटा अनुगमन टोलीले हरेक निर्वाचन क्षेत्रको अनुगमन गर्ने र निर्वाचन अवधिभरिका लागि सीमासमेत सिल गरिएको उहाले बताउनुभयो । शनिबार रुपन्देहीका सबैजसो मतदान स्थलको अनुगमन गरिएको उहाँको भनाइ छ । निर्वाचनलाई लक्षित गर्दै जिल्लामा तीन हजार ९५ म्यादी र एक हजार सात सय ३६ नेपाल प्रहरी खटिएका छन् । 

नागरिक अनलाइन

लेखकबाट थप

• शनिवार, मंसिर ३ २०७९०८:००:५८

• Tags:

  # मतदान स्थल

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...