बुटवल,मङ्सिर १ ।

दुइदिनपछि अर्थात् मङ्सिर ४ गते हुने निर्वाचनका लागि निर्वाचन आयोगले मत दिन योग्य मतदाताको संख्या विवरण सार्वजनिक गरेको छ। निर्वाचनमा १ करोड ७९ लाख ८८ हजार ५७० मतदाता रहेको आयोगको तथ्यांक छ।

पुरुष मतदाता ९१ लाख ४० हजार ८०६ र महिला मतदाता ८८ लाख ४७ हजार ५७९ छन्। त्यस्तै, अन्य मतदाता १८५ छन्।

प्रतिनिधि सभातर्फ कुल १६५ र प्रदेश सभातर्फ कुल ३३० सिटका लागि प्रत्यक्षतर्फको निर्वाचन हुँदैछ। त्यस्तै, प्रतिनिधि सभाका ११० सिट र प्रदेशमा प्रत्येक प्रदेशका लागि सो प्रदेशसभाको कुल आकारको ४० प्रतिशत सिटका लागि समानुपातिक निर्वाचन पनि त्यसै दिन हुँदैछ।

देशभर कुल १० हजार ८९२ मतदानस्थल र २२ हजार २२७ मतदान केन्द्र हुने आयोगले जनाएको छ ।

लुम्बिनीमा साढे ३२ लाख मतदाता :

निर्वाचनमा लुम्बिनीबाट करिब साढे ३२ लाख मतदाताले मतदान गर्न पाउने छन् । प्रदेश निर्वाचन कार्यालय दाङका अनुसार प्रदेशका १२ जिल्लामा ३२ लाख ४९ हजार ६३७ मतदाता रहेका छन् ।

प्रदेश निर्वाचन कार्यालयका प्रदेश निर्वाचन कार्यालय दाङका प्रमुख नारायण भण्डारीका अनुसार यी निर्वाचन क्षेत्रका कुल मतदातामध्ये पुरुष १६ लाख ३७ हजार १३२, महिला १६ लाख १२ हजार ४७१ र अन्य ३४ जना रहेका छन् ।

धेरै निर्वाचन क्षेत्र रहेको रुपन्देहीमा संघतर्फ ५ वटा र प्रदेशतर्फ १० वटा निर्वाचन क्षेत्र रहेका छन् भने सबैभन्दा कम रोल्पा, रुकुम पूर्व, प्युठान र अर्घाखाँची संघतर्फ एकरएक वटा र प्रदेशतर्फ दुई-दुई वटा रहेका छन् ।

निर्वाचन आयोगले निर्वाचन पूरा गर्नका लागि प्रदेशभर कुल मतदानस्थल १६४९ र मतदान केन्द्र ३८६१ तय गरेको छ । स्थानीय तह चुनावमा करिब ७० प्रतिशत मत खसेको आधारमा अहिले करिब २२ लाख मत खस्ने अनुमान आयोगको रहेको छ ।

हेराैँ तथ्यांक :

नागरिक अनलाइन

लेखकबाट थप

• शुक्रवार, मंसिर २ २०७९१०:५९:३३

• Tags:

  # मतदाता # मतदाता नामावली

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन