तिलोत्तमा, भदौ २७ ।

रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयमा अध्ययनरत कक्षा ११ का विद्यार्थीहरुलाई स्वागत कार्यक्रम गरिएको छ ।

कक्षा १२ मा अध्ययनरत विद्यार्थीहरुद्वारा आयोजित कार्यक्रममा यस बर्ष कक्षा ११ मा भर्ना भएका करीव ११ सय विद्यार्थीहरुलाई स्वागत गरिएको थियो ।  उनीहरुलाई कक्षा १२ का करीव ९ सय विद्यार्थीहरुले खादा र टीका लगाएर सम्मान गरेका  थिए ।

कार्यक्रममा बोल्दै विद्यालयका प्रधानाध्यापक कुल प्रसाद लामिछानेले विद्यार्थीहरुलाई गुणस्तरीय शिक्षा प्रदान गर्न विद्यालयको सिंगो टिम प्रतिवद्ध रहेको भन्दै विद्यार्थीहरुलाई शैक्षिक सफलताको शुभकामना दिनुभएको थियो । 

कार्यक्रममा कक्षा १२ उत्तीर्ण गरी विभिन्न क्याम्पसमा छात्रवृत्तिमा नाम निकाल्न सफल भएका विद्यार्थीहरुलाई सम्मान गरिएको थियो । त्यस्तै प्रथम त्रैमासिक तथा मासिक परीक्षामा उत्कृष्ट स्थान प्राप्त गर्ने विद्याथीहरुलाई नगद सहित पुरस्कृत गरिएको कक्षा ११ र १२ का संयोजक राजेन्द्र के.सी.ले बताउनुभयो ।

सोही अवसरमा विद्यार्थीहरुले नृत्य, गायन तथा अभिनय कलाका विभिन्न कार्यक्रम समेत प्रस्तुत गरेका थिए । कक्षा १२ का विद्यार्थी आशिष ढकालको अध्यक्षतामा भएको कार्यक्रमको सञ्चालन नविन गौतम र शोभा घिमिरेले गरेका थिए ।  

नागरिक अनलाइन

लेखकबाट थप

• आइतवार, कार्तिक २७ २०७९०६:४०:५४

• Tags:

  # नयाँ विद्यार्थीलाई स्वागत # शान्ति नमुना मावि

• छापिएर आएको लाइसेन्स लिन पनि २ दिन लाइनमा,टोकन पाउनै मुस्किल !

• कप्तानगञ्ज घटना : पीडित र गृहमन्त्रीबीच सात बुंदे सम्झौता

• प्रतिशोधको भावना नलिई संयमता अपनाउन प्रधानमन्त्रीको आग्रह

• राष्ट्रपति पौडेलले बोलाएपछि शीतलनिवास पुगे प्रधानमन्त्री,के-के भयो छलफल ?

• बुटवलका १२ राजनीतिक दलले गरे सामाजिक सद्भाव कायम राख्न संयुक्त अपिल