पाल्पा, कार्तिक २७ ।

पाल्पामा प्रदेश र प्रतिनिधिसभा सदस्य निर्वाचनमा खटाइएका मतदान अधिकृत र सहायक मतदान अधिकृतलाई शुक्रबार र शनिबार प्रशिक्षण दिइएको छ । जिल्ला निर्वाचन कार्यालय र मुख्य निर्वाचन अधिकृतको कार्यालयले उनीहरुलाई तालिम दिएको हो । 
प्रतिनिधिसभामा दुई र प्रदेशसभा चार निर्वाचन क्षेत्र रहेको पाल्पामा १ सय १८ मतदान केन्द्रका २ सय ४६ मतदानस्थलमा खटिने मतदान अधिकृत र सहायक मतदान अधिकृतलाई मत खसाल्नेदेखि हुलदंगा भएमा के गर्नेसम्मको प्रशिक्षण दिइएको जिल्ला निर्वाचन अधिकारी रुक्मांगत अर्यालले जानकारी दिए ।

निर्वाचन आयोगको समन्वयमा ४ सय ९६ कर्मचारीलाई सुरक्षित वातावरणमा मतदान प्रक्रिया सम्पन्न गर्ने गरी तालिम दिएको अर्यालले जानकारी दिए ।

प्रशिक्षणमा प्रत्यक्षतर्फका र समानुपातिक उम्मेदवारका लागि मत राख्ने तरिका, भीड नियन्त्रण, मसी लगाउने, नाम रुजु गर्ने, दोहो¥याएर मत हाल्न आएमा अपनाउनुपर्ने तरिका, मतदाताले गोप्य रुपमा मतदान गर्न पाउने आङ्खनो अधिकारलाई सुरक्षित ढंगले प्रयोग गर्नेबारे प्रशिक्षित गराएको जिल्ला निर्वाचन अधिकारी रुक्मांगत अर्यालले जानकारी दिए । निर्वाचनमा २ हजार ९ सय ५५ बढी कर्मचारी खटिने छन् । पाल्पामा १ लाख ३ हजार १ सय १८ महिला र ९८ हजार २ सय ८ पुरुष गरी २ लाख १ हजार ३ सय २६ मतदाता रहेका छन् ।

तालिमका अवसरमा मुख्य निर्वाचन अधिकृत कमल राज विष्ट, निर्वाचन अधिकृतको कार्यालय क्षेत्र १ का निर्वाचन अधिकृत गोपाल प्रसाद ढकाल, प्रमुख जिल्ला अधिकारी जगन्नाथ पन्त, जिल्ला निर्वाचन अधिकारी रुक्मांगत अर्याल, जिल्ला समन्वय प्रमुख जनार्दन अधिकारी लगायतले सहजीकरण गरेका थिए ।

तालिम समापनसंगै मतदान अधिकृत र सहायक मतदान अधिकृत लगायत अन्य कर्मचारीलाई नियुक्तिपत्रसमेत दिइएको छ । मंसिर १ गते सबै मतदान केन्द्रमा मतदान अधिकृत, सहायक मतदान अधिकृत, कर्मचारी र सुरक्षाकर्मी खट्नेछन् ।

नागरिक अनलाइन

लेखकबाट थप

• आइतवार, कार्तिक २७ २०७९१०:५८:५७

• Tags:

  # प्रशिक्षण # मतदान अधिकृत

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग