बुटवल,कार्तिक २५ ।
आसन्न ४ मंसिरमा हुने प्रतिनिधि तथा प्रदेश सभा निर्वाचन सफल बनाउनका लागि निर्वाचन आचारसंहिता कार्यान्वयनको पाटो महत्वपूर्ण रहने सरोेकारवालाले जोड दिएका छन् ।

नेपाल कानुन समाज र निर्वाचन आयोगको संयुक्त आयोजनामा भएको प्रतिनिधि तथा प्रदेशसभा निर्वाचनमा निर्वाचन आचारसंहिताको प्रभावकारी कार्यान्वयन र सरोकारवालाहरुको भूमिका विषयक बुटवलमा भएको अन्तरक्रिया कार्यक्रममा बोल्ने बक्ताहरुले निर्वाचन निश्पक्ष, सुुरक्षित तथा धाँधलीरहित बनाउनको लागि निर्वाचन आचारसंहिता कढाइका साथ कार्यान्वयन गर्नुपर्ने भएकोले सबैको सहकार्य आवश्यक रहेको औंल्याइएको छ ।

निर्वाचन आयोगका निर्वाचन आयुक्त रामप्रसाद भण्डारीले अघिल्ला निर्वाचनमा देखिएका कमि कमजोरीलाई हटाउँदै निस्पक्ष निर्वाचन गराउने प्रतिबद्धता ब्यक्त गर्नुभयो । उहाँले निर्वाचन आचारसंहितालाई क्रमिक रुपमा सुधार हुँदै आएको बताउनुभयो ।
थप आवश्यक सुधारका कुराहरु पनि आगामी दिनमा पनि सुधार गर्दै जाने बताउदै सुझाबहरु दिइराख्न आग्रह गर्नुभयो । आचारसंहिता उल्लंघन गरेको पाईएमा उम्मेदवारी नै खारेज गर्न सकिने उहाँले चेतावनी दिनुभयो ।चुनावको आवश्यक सुरक्षा तथा अन्य तयारी अवस्थामा रहेको बताउदै आयोगको कमजोरी भएमा र उम्मेदवारले आचारसंहिता उल्लंघन गरेमा पुर्ण विवरण सहितको उजुरी दिन आग्रह गर्नुभयो ।

‘आयोगलाइ आचारसंहिता पालना गराउन नसक्ने गरेको आरोप लाग्ने भएकोले यो पटक झनै कडाई गरेका छौं,तपाइको क्षेत्रमा आचारसंहिता कार्यान्वयन गराउन सबैले सहकार्य गर्नुहोस्  र निर्वाचन सफल बनाउन भूमिका खेल्नुहोस् ।’ उहाँले भन्नुभयो ।
रुपन्देहीका मुख्य निर्वाचन अधिकृत कृष्णराम कोईरालाले निर्वाचन मर्यादित बनाउन आचारसंहिता पालना गर्नुपर्ने भन्दै मतदान सामाग्रीको बितरणको कामहरू भईरहेको जानकारी दिनुभयो । निर्वाचनको अन्तिम चरणमा रहेको बताउदै निश्पक्ष, स्वतन्त्र र धाँधलीरहित बनाउने प्रतिबद्धता ब्यक्त गर्नुभयो ।

तयारी पूरा,४ दिन नेपाल भारत सिमानाका बन्द :

कार्यक्रममा बोल्दै रुपन्देहीका प्रमुख जिल्ला अधिकारी भरतमणि पाण्डेले जिल्लामा ६ लाख बढी मतदाता रहेको बताउदै ६ हजार भन्दा बढी कर्मचारी तथा सुुरक्षाको ब्यवस्थापन मिलाईएको जानकारी दिनुभयो । मंसिर  १ देखि ४ गते मध्यरातसम्म ४ दिन नेपाल भारत सिमानाका बन्द (शील) गर्ने तथा आचारसंहिता अनुगमन समिती बनाएर कामहरु गरिरहेको उहाको भनाइ छ ।
प्रधानमन्त्री कार्यालयका सचिव धनराज ज्ञवालीले निर्वाचन आचारसंहिताका प्रमुख विषयहरु सरोकारवालाहरुको भूमिका र निर्वाचन आयोगका उपसचिव लक्ष्मी शर्माले संघ र प्रदेश सदस्यको निर्वाचन खर्च र प्रचार–प्रसार विषयक कार्यपत्र प्रस्तुत गर्नुभएको थियो । 
सो अवसरमा कानुन समाज नेपालका बरिस्ठ कार्यक्रम अधिकृत गणेशमान प्रधान, समाज बुटवल प्रमुख हेमा न्यौपाने,विभिन्न राजनीतिक दलका प्रतिनिधि, नागरिक समाजका प्रतिनिधि ,पत्रकार लगायतले धारणा सहित सुझावहरु पेश गर्नुभएको थियो । 

नागरिक अनलाइन

लेखकबाट थप

• शुक्रवार, कार्तिक २५ २०७९०९:२४:२१

• Tags:

  # आचारसंहिता # नेपाल कानुन समाज # निर्वाचन आयोग # निर्वाचन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा