बुटवल, कार्तिक १३ ।

वीज एयरलाई गौतमबुद्ध अन्तर्राष्ट्रिय विमानस्थलबाट उडान सुरू गर्न अझै एक महिना लाग्ने भएको छ। नेपालमै पहिलो पटक उडान गर्न लागेको वीजले उडानका लागि तयारी गर्न बाँकी रहेकाले अझै समय लाग्ने भएको हो।  

अपरेशनल सेफ्टी एसिसमेन्ट ओएसएसका लागि अझै केही समय लाग्ने भएकाले वीजले एक महिनापछि मात्र उडान सुरू गर्ने तयारी गरेको नागरिक उड्डयन प्राधिकरणलाई जनाएको छ। 

वीजको ग्राउन्ड अपरेशनल सेफ्टी, टेक अप ल्यान्डिङ लगायत अपरेशनल सेफ्टी एसिसमेन्ट नभएकाले अझै एक महिना लाग्न सक्ने जानकारी गराएको प्राधिकरणले बताएको छ। यसअघि वीजले आजदेखि उडान सुरू गर्ने तयारी गरेको थियो। युएइको राजधानी आबुधावीबाट भैरहवाका लागि वीजले सातामा तीन उडान गर्न प्राधिकरणबाट अनुमति लिइसकेको छ। 

वीजले एयरबसको ३२१ निओ सिरिजको विमान सञ्चालनमा ल्याउने तयारीमा छ। एक सय ९० सिट क्षमताको यो जहाजले नेपालमा पहिलोपटक उडान गर्न लागेको हो।

नागरिक अनलाइन

लेखकबाट थप

• आइतवार, कार्तिक १३ २०७९०२:३३:४७

• Tags:

  # वीज एयर # गौतमबुद्ध अन्तर्राष्ट्रिय विमानस्थल # भैरहवाको गौतमबुद्ध अन्तर्राष्ट्रिय विमानस्थल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा